မြိတ်ခရိုင်၊ မြိတ်မြို့၏ ဒေသတွင်းစားသုံးဆီဖူလုံစေရေးနှင့် စျေးနှုန်းမြင့်တင်ရောင်းချခြင်းမရှိစေရန်အတွက် ရန်ကုန်မြို့ ဆီကုမ္ပဏီများမှ ခွဲဝေဖြန့်ဖြူးရောင်းချပေးသောစားအုန်းဆီများသည် ၂၀၂၄ခုနှစ်၊ နိုဝင်ဘာလ(၁၈)ရက်နေ့တွင် မော်တော်ယာဥ်အမှတ်7M-6723နှင့် 6C-5057တို့ဖြင့် မြိတ်မြို့သို့ ရောက်ရှိလာခဲ့ကြောင်း သိရှိရပါသည်။
အဆိုပါစားအုန်းဆီများကို Globle Good Pure Group ကုမ္ပဏီ၊ Kaung Hlyan New Asia ကုမ္ပဏီနှင့် Mahar Phone Let Yone ကုမ္ပဏီမှ ခွဲတမ်းရရှိပြီး စုစုပေါင်းစားအုန်းဆီပေပါ (၁၄၀)ပေပါရောက်ရှိလာခဲ့ပါသည်။ ၎င်းတို့ကို ရည်ညွှန်းစျေးတစ်ပိဿာ (၆၆၃၅)ကျပ်အပေါ် သယ်ယူပို့ဆောင်ကုန်ကျစရိတ်နှင့် ၂% အမြတ်တို့ဖြင့် လက်လီဆိုင်များသို့ ခွဲဝေရောင်းချပေးသွားမည်ဖြစ်ကြောင်း သိရှိရပါသည်။
DOCA(တနင်္သာရီ)