ကော့သောင်းခရိုင် ကော့သောင်းမြို့နယ်သည် ရေပတ်လည်ဝန်းရံလျက်ရှိပြီး ကျွန်းပေါ်တွင် တည်ဆောက်ထားသည့်မြို့လေးတမြို့ဖြစ်သည့်အတွက် လူအများစုသည် စီးပွားရေးလုပ်ငန်းတွင် ရေလုပ်ငန်းကိုအများဆုံးလုပ်ကိုင်လျက်ရှိကြောင်းသိရသည်။
ပင်လယ်ရွာလို့ခေါ်သည့် ကျေးရွာများတွင် ရေလုပ်ငန်းလုပ်ကိုင်လျက်ရှိရာ ငါးခြောက်လုပ်ငန်းသည်လည်း တနိုင်တပိုင်စီးပွားဖြစ်လုပ်ကိုင်ကြသည်။ ငါးခြောက်လုပ်ငန်းလုပ်ကိုင်ရာတွင် ငါးခြောက်ကို ငါးကွန်းရှပ်ခြောက်၊ ငါးရောင်ခြောက်၊ ငါးအူကြီးခြောက်၊ ဘဲလိပ်ခြောက် တို့သည် စျေးကောင်းရသဖြင့် အများဆုံးလုပ်ကိုင်ကြသည့် ငါးခြောက်လုပ်ငန်းလုပ်ကိုင်သူများသည် ကော့သောင်းမြို့ပေါ်ရှိ စျေးတန်းများသို့ ရောင်းချလျက်ရာတွင် ငါးကွန်းရှပ်ခြောက်(အကောင်လိုက်)စျေးနှုန်း တစ်ပိဿာလျှင် ၆၀၀၀၀-၆၅၀၀၀ ကျပ်၊ ငါးရောင်းခြောက် (အကောင်လိုက်) စျေးနှုန်း တစ်ပိဿာလျှင် ၄၀၀၀၀- ၄၅၀၀၀ ကျပ်၊ ငါးအူကြီးခြောက်စျေးနှုန်း တစ်ပိဿာလျှင် ၆၀၀၀၀- ၆၅၀၀၀ ကျပ်၊ ဘဲလိပ်ခြောက် စျေးနှုန်း တစ်ပိဿာလျှင် ၅၀၀၀၀- ၅၅၀၀၀ ကျပ် တိ စျေးပေါက်လျက်ရှိကြောင်းသိရသည်။
ငါးခြောက်လုပ်ငန်းသည် တန်ဆောင်တိုင်ကာလတွင် လှူဒါန်းပြုလုပ်သူများပြားသည့်အတွက် စျေးကောင်းရရှိပြီး တံငါလုပ်ငန်းလုပ်ကိုင်သူများအနေဖြင့် အရောင်းအဝယ်ကောင်းသဖြင့် ဝင်ငွေတိုးစေသည့် လုပ်ငန်းတစ်ခုဖြစ်ကြောင်းသိရှိရပါသည်။
DOCA(သနင်္သာရီ)