ပဲခူးတိုင်းဒေသကြီး ၊ စားသုံးသူရေးရာဦးစီးဌာန ၊ သာယာဝတီမြို့နယ်တာဝန်ခံနှင့်အဖွဲ့သည် သာယာဝတီမြို့နယ်တွင် နွေစပါးစိုက်ပျိုးနေမှု ၊ တစ်ဧက ကုန်ကျစရိတ်များနှင့်ပတ်သက်၍ အင်းရွာအုပ်စု ကျေးရွာသို့ သွားရောက်၍ နွေစပါးစိုက်ပျိုးသည့် တောင်သူများနှင့် (၂၂.၄.၂၀၂၂) ရက်နေ့တွင် တွေ့ဆုံခဲ့ပါသည်။
သာယာဝတီခရိုင်အနေဖြင့် နွေစပါးစိုက်ဧကမှာ (၇၉၀၀၃) ဧကရှိပြီး သာယာဝတီမြို့နယ်အနေဖြင့် (၃၇၃၂၇) ဧကစိုက်ပျိုးပြီးဖြစ်ပါသည်။ နွေစပါးစိုက်ပျိုးသည့် တောင်သူများမှ ယခုကာလ နွေစပါး ၅၂ ပေါင်တစ်တင်းလျှင် (၇၁၀၀) ကျပ်ဈေးနှုန်းဖြင့် ကွင်းအရောက်ငွေချေစနစ်ဖြင့် ပွဲစားကုန်သည်များမှ ဝယ်ယူလျှက်ရှိကြောင်းနှင့် မိမိတို့အနေဖြင့်လည်း ကွင်းထိအရောက်လာရောက်ဝယ်ယူခြင်းကို ပိုမိုနှစ်သက်ကြောင်း ၊ ယခုကာလသယ်ပို့ခများ ဈေးနှုန်းမြင့်မားပါသဖြင့် စပါးဘိုးငွေ အသားတင် ကျန်ရှိကြောင်း သိရှိရပါသည်။ တစ်ဧက စိုက်ပျိုးလျှင် (၅၀၀၀၀၀)ခန့်ကုန်ကျပြီး ဝင်ငွေအနေဖြင့် (၈၅၂၀၀၀)ခန့်ရရှိသဖြင့် အကျိုးအမြတ်မှာ (၃၅၂၀၀၀) ခန့် ကျန်ရှိပါသည်။ ယခုနှစ်တွင် နွေစပါးအစိုဓါတ် ၁၈ %ရှိပြီး တစ်ဧကလျှင် (၁၂၀)တင်း နှုန်းခန့် ထွက်ရှိပါကြောင်း သိရှိရပါသည်။
DOCA(ပဲခူး)