စစ်ကိုင်းတိုင်းဒေသကြီး၊ ကလေးခရိုင်ဦးစီးမှူးရုံးမှ ခရိုင်ဦးစီးမှူး ဒေါ်သန်းသန်းဝင်း ဦးဆောင်သော ဝန်ထမ်းများနှင့်အဖွဲ့သည် မေလ (၂)ရက်နေ့တွင် ကလေးမြို့၊ တပ်ဦးသီတာရပ်ကွက်ရှိ ကလေးခရိုင်ရေသန့်လုပ်ငန်းရှင်များအသင်းမှ ဥက္ကဌ ဦးကျင့်ရှန်းမုန်နှင့် တွေ့ဆုံမေးမြန်း ဆွေးနွေးခဲ့ကြောင်းသိရှိရပါသည်။
ခရိုင်ဦးစီးမှူးမှ ရေသန့်လုပ်ငန်းရှင်နှင့် တွေ့ဆုံဆွေးနွေးရာတွင် အမှတ်တံဆိပ်ပါ ဘူးသွင်းသောက်ရေသန့်နှင့် စားသုံးဆီကို ထိန်းချုပ်အစားအသောက်အဖြစ် သတ်မှတ်ထားပါကြောင်း၊ သောက်ရေသန့်ထုတ်လုပ်ရာတွင် သက်ဆိုင်ရာဌာန စစ်ဆေးထောက်ခံချက်ရရှိရမည် ဖြစ်ပါကြောင်း ၊စားသုံးသူကာကွယ်ရေးဥပေဒေဖြင့် ပြဌာန်းထားသည့် ကုန်အညွှန်းအမှတ်အသား ဖော်ပြချက် ပြည်စုံစွာပါရမည်ဖြစ်ကြောင်း၊ ရေသန့်ဗူးများတွင် ကုန်အညွှန်းဖော်ပြချက် အများစု ပြည်စုံသော်လည်း အချို့တွင် ထားသိုသိမ်းဆည်းပုံအညွှန်း ဖော်ပြရန် လိုအပ်နေသည်ကို တွေ့ရကြောင်း၊ “နေပူထဲတွင် မထားရ” “အေး၍ခြောက်သွေ့သောနေရာတွင်ထားပါ” စသည့်ဖြင့်ဖော်ပြကြပါကြောင်း၊ မိမိတို့ ရေသန့်ကို ဝယ်ယူစားသုံးသည့် စားသုံးသူများအနေဖြင့် ဘေးအန္တရယ်ကင်း ရှင်းပြီး လုံခြုံစိတ်ချမှုရှိစေရေး လုပ်ငန်းရှင်က တာဝန်ယူဆောင်ရွက်ပေးရမည် ဖြစ်ကြောင်း ပြောကြား ဆွေးနွေးခဲ့ပါသည်။ လုပ်ငန်းရှင်က ပြန်လည်ဆွေးနွေးရာတွင် ယခုကာလ၌ မိမိတို့အနေဖြင့် ရေသန့်ဗူးများကို (၀.၅) လီတာဗူးသေး (၁) လီတာ ဗူးနှင့် (၂၀) လီတာဗူး သုံးမျိုးသာ ထုတ်လုပ်ဖြန့်ဖြူးရောင်းချလျှက်ရှိပါကြောင်း စျေးကွက်အနေဖြင့် အခြားမြို့နယ်များသို့ ဖြန့်ဖြူးရောင်းချနိုင်ခြင်းမရှိဘဲ မြို့နယ်တွင်းသာ ဖြန့်ဖြုးရောင်းချလျှက် ရှိပါသည်။ ယခင်နှစ်များက မြို့နယ်တွင်း ကျေးရွာများဖြစ်သည့် နတ်ချောင်း၊ စခန်းကြီးကျေးရွာများသို့ ဖြန့်ဖြူးရောင်းချမှုများ ရှိသော်လည်း ယခုကာလတွင် လမ်းပန်းဆက်သွယ်ရေး အခက်အခဲများကြောင့် ရောင်းချမှုများ မရှိတော့ပါကြောင်း၊ စက်သုံးဆီများ စျေးနှုန်းမြင့်တက်လာမှုကြောင့် ရောင်းစျေးနှုန်းအနေဖြင့် (၀.၅)လီတာဗူး (၁၂)လုံးပါတစ်ကတ် (၂၀၀၀) ကျပ်၊(၁)လီတာ(၆)လုံး ပါတစ်ကတ် (၁၆၀၀)ကျပ်၊(၂၀)လီတာတစ်ဗူးဖောက်သည်စျေး (၆၀၀) ကျပ်စျေးနှုန်းဖြင့် ရောင်းချပါကြောင်း ထိုသို့ စျေးနှုန်း တိုးမြင့်ရောင်းချရခြင်းမှာ ဗူးခွံ၊ အဖုံး၊ အပိတ်၊ စတစ်ကာများ ဝယ်ယူရာတွင် စျေးနှုန်းမြင့် တက်လာခြင်းကြောင့်ဖြစ်ပါကြောင်း၊ ယခု ကာလသည် နွေရာသီရောက်ရှိ လာပြီဖြစ်သည့်အတွက် ရောင်းအားကောင်းသော်လည်း ကုန်ကျ စရိတ်များ ပိုမိုများပြားလာပါကြောင်း ၊ လက်ရှိလုပ်ငန်းခွင်တွင် လုပ်သားအင်အား (၂၇) ဦးဖြင့် လည် ပတ် လုပ်ကိုင်လျှက်ရှိပါကြောင်း၊ ရေသန့်ဗူးများ ရောင်းဝယ်ဖောက်ကားမှုများအနေဖြင့် တစ်ရက်လျှင် ဗူးကြီး (၂၀)လီတာ (၁၀၀၀)ခန့် ရောင်းချရသည့် အတွက်တစ်လလျှင် ပျမ်းမျှဗူးရေ (၃၀၀၀၀) ခန့်ရောင်းချရပါကြောင်း၊ (၁)လီတာဗူးများရောင်းချရမှု အနေဖြင့် ( ၆ ) ဗူးပါကတ် (၅၀၀ ) ခန့်နှင့် (၀.၅)လီတာ (၁၂)ဗူးပါကတ်(၁၅၀၀)ခန့် ရောင်းချလျှက်ရှိပါကြောင်း ရေသန့်လုပ်ငန်းရှင် ဦးကျင့်ရှန်းမုန်၏ ပြောကြားချက်အရ သိရှိရပါသည်။
DOCA(စစ်ကိုင်း)