ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်တွင် အထွေထွေအုပ်ချုပ်ရေးဦးစီးဌာနမှ ဦးဆောင် ကြီးကြပ်မှုဖြင့် ညောင်တုန်းမြို့နယ်တွင်း ပြည်သူများအား သက်သာသော ဈေးနှုန်းဖြင့် ဝယ်ယူအသုံးပြု နိုင်ရန်အတွက် ကြက်ဥ၊ ဘဲဥများကို နေ့စဉ် ရောင်းချပေးလျက်ရှိပြီး ကြက်ဥ၊ ဘဲဥ များကို တိုင်းဒေသကြီး အခြားသော မြို့နယ်များသို့ ဖြန့်ဖြူးတင်ပို့ ရောင်းချပေးလျက်ရှိကြောင်း သိရသည်။
ရောင်းချရာတွင် မြို့နယ် စည်ပင်သာယာရေးအဖွဲ၊ အထွေထွေအုပ်ချုပ်ရေးဦးစီးဌာန၊ မြို့နယ်စားသုံးသူရေးရာဦးစီးဌာန၊ မွေးမြူရေးနှင့်ကုသရေးဦးစီးဌာနတို့ ကြီးကြပ်ပါဝင်ကြပြီး (၂၈.၁၁. ၂၀၂၄)မှ (၃၀.၁၁.၂၀၂၄) ရက်နေ့ထိ ကြက်ဥ တစ်ရက်ကို အလုံး(၃၀၀၀)ဖြင့် စုစုပေါင်း (၉၀၀၀)လုံးကို၊ (၉)ရပ်ကွက်၊ ပန်းဧရာ အခွန်လွတ်ဈေး၊ (၃)ရပ်ကွက် စားသုံးသူရေးရာဦးစီးဌာနရုံးဘေး၊ ၈ရပ်ကွက်၊ ၉ရပ်ကွက် အခွန်လွတ်ဈေးရှေ့ တို့တွင် ရက်အလိုက် အလှည့်ကျရောင်းချပေးလျက်ရှိကြောင်း နှင့် (၁.၁၂.၂၀၂၄)ရက်မှ (၄.၁၂.၂၀၂၄) ရက်နေ့တို့ တွင် ကြက်ဥ စုစုပေါင်း ၁ရက် အလုံးရေ ၃၀၀၀လုံးဖြင့် စုစုပေါင်း (၁၀၅၀၀)လုံးနှင့် (၄.၁၂.၂၀၂၄)ရက်နေ့က ဆန် ၂၄ပြည် ၁၀အိတ်၊ (၃/၄./၁၂.၂၀၂၄) ရက်နေ့က ဝက်ပိသာချိန် (၃၀)၊ ကြက်သား ၃၀ပိဿာ၊ ငါးပိဿာချိန် ၂၀ ပိဿာ၊ ဆီ ပိဿာချိန် ၆၀ပိဿာနှင့် အမဲသား ၁၀ပိဿာကို သက်သာသောဈေးဖြင့် ညောင်တုန်းမြို့နယ်တွင် ပြည်သူများ ဝယ်ယူနိုင်ရန် ဌာနဆိုင်ရာများ ပူးပေါင်း၍ နေ့စဉ်ရောင်းချပေးနေကြောင်း သတင်းရရှိပါသည်။
DOCA(ဧရာဝတီ)