တောင်ငူမြို့ ညောင်ပင်ဈေးရှိ သစ်သီးဆိုင်များတွင် ရှမ်းပြည်နယ်တောင်ကြီးမြို့မှ ဝင်ရောက်လာသည့် ပင်မှည့်သီး(ခေါ်) လိုင်းမချူးသီးများ ရောင်းချလျက်ရှိနေပါသည်။ ပင်မှည့်သီးတွင် အနီသီးနှင့်အဝါသီးဟူ၍ နှစ်မျိုးရှိပါသည်။ ပင်မှည့်သီးကို သကြားနှင့်တို့စားနိုင်သကဲ့သို့ ဖျော်ရည်ပြုလုပ်၍လည်း သောက်သုံးနိုင်ကြောင်းသိရသည်။
ပင်မှည့်သီးဖျော်ရည်ကို ပုံမှန်သောက်သုံးပေးခြင်းဖြင့် ခန္ဓာကိုယ်အတွင်း မလိုအပ်သေအဆီများကို လျော့ကျစေပြီး အမောခံနိုင်၍ ကျန်းမာရေးကို များစွာအထောက်အကူပြုပါသည်။ ပင်မှည့်သီးတွင်ပါဝင်သည့် သကြားဓါတ်သည် ဝမ်းချုပ်ခြင်းမှ ကာကွယ်ပေးပါသည်။ ပင်မှည့်သီးတွင် ပါဝင်သည့် ဗီတာမင်အေသည် ကိုယ်ခံအားကိုကောင်းစေပြီး ကင်ဆာနှင့် နှလုံးရောဂါကို ကာကွယ်ပေးကြောင်း သိရှိရသည်။
ပင်မှည့်သီးကို ယခင်က တစ်ပိဿာလျှင် ၃၀၀၀ ကျပ်ရောင်းချရာမှ ယခုအပတ်တွင် တစ်ပိဿာလျှင် ၅၀၀၀ ကျပ်ဖြင့်ရောင်းချကြောင်း၊ ပင်မှည့်သီးကို အနှစ်ထုတ်ယူ၍ ထုပ်ပိုးပြီး တစ်ထုတ်လျှင် ၅၀၀၀ ကျပ်၊ ၁၀၀၀၀ ကျပ် စသည်ဖြင့် အလေးချိန်ကိုလိုက်၍ ရောင်းချကြောင်း သစ်သီးအရောင်းဆိုင်များမှ သိရှိရပါသည်။
DOCA(ပျဲခူး)