ဟင်းကပေါင်းပင်မှာ နွယ်ပင်အမျိုးအစားဖြစ်ပါသည်။ ကြက်ဟင်းခါးသီးပင်နှင့် အမျိုးအစား တူညီပါသည်။ ဟင်းကပေါင်းပင်မှာ စိုက်ပျိုးထားသည့် အပင်အမျိုးအစားမဟုတ်ပါပဲ ရာသီပေါ်စားစရာ သဘာဝစစ်စစ်အပင်မျိုးဖြစ်ပါသည်။ အသီး၏ပုံပန်းသဏ္ဍာန်မှာ ပိန္နဲသီးအကင်းနှင့်တူပါသည်။ ကြက်ဟင်းခါးသီးကဲ့သို့ပင် အထဲတွင်အစေ့ကလေးများလည်းပါရှိပါသည်။ အသီးအခွံအရောင်မှာ စိမ်းဝါရောင်တောက်တောက် ရှိပါသည်။ ဟင်းကပေါင်းသီးပင်မှာ ကျေးလက်ဒေသများတွင် ခြုံပုတ်များပေါ်တွင် အများအပြား အလေ့ကျပေါက်သည့် အပင်အမျိုးအစားဖြစ်ပါသည်။ သဘာဝအလျှောက် အလေ့ကျပေါက်သည့်အပင်ဖြစ်သည့်အတွက် ဈေးကွက်အတွင်း ရောင်းချရာတွင် ဈေးနှုန်းမှာ အသီးလုံး ၅လုံးပါ အတွဲ တစ်စည်းလျှင် (၁၀၀၀-၁၂၀၀)ကျပ်နှုန်းဖြင့် ရောင်းချနေကြောင်း သိရှိရပါသည်။
DOCA(ပဲခူး)