ပဲခူးတိုင်းဒေသကြီး ၊ သာယာဝတီခရိုင် ၊ အုတ်ဖိုမြို့နယ်တွင် ရုံးပတီစိုက်ပျိုးခြင်းဖြင့် တောင်သူများ ဝင်ငွေရရှိနေကြပြီး ဖြစ်ပါသည်။ ရုံးပတီစိုက်ပျိုးခြင်းသည် ကုန်ကျစရိတ်နှင့် အချိန်ကုန် သက်သာပါသည်။ မျိုးစေ့ချ၍ စိုက်ပျိုးချိန်မှ ခူးဆွတ်ချိန်အထိ (၃၀) ရက်ခန့်တွင် ခူးဆွတ်ရောင်းချနိုင်ပါသည်။ စိုက်ခင်းကို ထွန်ယက်၍ မျိုးစေ့ချရန် ကျင်းတူးပြီး တစ်ကျင်းလျှင် အစေ့ ၃စေ့ ၄စေ့ခန့် ထည့်၍ စိုက်ပျိုးကြပါသည်။ အပင်ကောင်း၍ ကြီးထွားပါက တစ်ပင်လျှင် (၁၀-၁၅)ခန့် ခူးဆွတ်ရရှိနိုင်ပါသည်။ မြေကွက်တစ်ကျိုး စိုက်ပျိုးရာတွင် (၃၅၀၀) ပင်အထိ စိုက်ပျိုးနိုင်ပြီး ရုံးပတီသီးတစ်ထောင့်လျှင် ဒေသပေါက်စျေးအရ (၁၅)ကျပ်ခန့်ရှိပြီး ကုန်သည်ဝယ်စျေးမှာ (၁၀)ကျပ်ခန့်ရှိပါသည်။
ရုံးပတီသီး တစ်ဧကကုန်ကျစရိတ် (၇၉၈၄၀၀) ကျပ်ခန့်ကုန်ကျပြီး ဝင်ငွေရရှိမှုမှာ (၁၃၀၀၀၀၀) သိန်းခန့်ရရှိပါသည်။ တစ်ဧကအကျိုးအမြတ်အနေဖြင့် (၅)သိန်းကျပ်ခန့် ရရှိနိုင်ခြင်း၊ ရက်တိုတိုဖြင့် ဝင်ငွေရရှိနိုင်ခြင်းတို့ကြောင့် စိုက်ပျိုးနေကြောင်း သိရှိရပါသည်။
DOCA(ပဲခူး)