စားသုံးသူရေးရာဦးစီးဌာန၊ စစ်ကိုင်းခရိုင်၊ ခေတ္တခရိုင်ဦးစီးမှူး ဦးဆောင်၍ ဝန်ထမ်း (၃)ဦးသည် ခရိုင်အထူးစုံစမ်းစစ်ဆေးရေးဦးစီးဌာန၊ မြို့နယ်စည်ပင်သာယာရေးအဖွဲ့တို့မှ တာဝန်ရှိသူများနှင့် အတူ ၂၀၂၄ ခုနှစ်၊ ဒီဇင်ဘာလ(၆)ရက်နေ့တွင် စစ်ကိုင်းမြို့၊ မြို့မဈေးအတွင်းရှိ ဆီနှင့်ကုန်မျိုးစုံဆိုင် (၂)ဆိုင်အား ဈေးကွက်စောင့်ကြည့် စစ်ဆေးခဲ့သည်။
စားသုံးဆီအမျိုးမျိုးတွင် ကုန်အညွှန်းအမှတ်အသား ဖော်ပြခြင်းနှင့် စပ်လျဉ်း၍ (၂/၂၀၁၉)၊ (၁/၂၀၂၁)ညွှန်ကြားချက်များနှင့် ကိုက်ညီမှု ရှိ/မရှိ၊ ဈေးကွက်အတွင်း သက်ဆိုင်ရာဌာနမှ ထောက်ခံချက် မရှိသော စားသုံးဆီများ ဖြန့်ဖြူးရောင်းချခြင်း ရှိ/မရှိ လစဉ် ဈေးကွက်စောင့်ကြည့်စစ်ဆေးရန် လမ်းညွှန်မှု ပြုသဖြင့် စစ်ကိုင်းမြို့၊ မြို့မဈေးအတွင်းရှိ “မကောင်းမြတ်မော်” ဆီနှင့်ကုန်မျိုးစုံဆိုင်၊ “ကေသွယ်မင်း” ဆီနှင့်ကုန်မျိုးစုံဆိုင်၊ စုစုပေါင်း ဆိုင်(၂)ဆိုင်အား ကွင်းဆင်းစစ်ဆေးခဲ့ရာ “စိန်လမင်း” အမှတ်တံဆိပ် မြေပဲဆီသန့်(၅၀ကျပ်သား)ဘူးများသည် ညွှန်ကြားချက်(၂/၂၀၁၉)၊ (၁/၂၀၂၁)နှင့် ကိုက်ညီမှုရှိပြီး FDA ၏ ထောက်ခံချက်အမှတ်ပါရှိသည်ကို စိစစ်တွေ့ရှိရသည်။ စားသုံးသူရေးရာဦးစီးဌာနမှ တာဝန်ရှိသူက ကုန်အညွှန်းအမှတ်အသား ပြည့်စုံစွာဖော်ပြပါရှိပြီး သက်ဆိုင်ရာဌာနမှ ထောက်ခံချက်ပါရှိသော စားသုံးဆီများကို ဝယ်ယူရောင်းချရန် ဆွေးနွေးပြောကြားခဲ့ပြီး စားသုံးသူကာကွယ်ရေး ဥပဒေ အခန်း (၁၀)ပါ စီးပွားရေးလုပ်ငန်းရှင်၏ တာဝန်များ၊ ဥပဒေ အခန်း(၁၁)ပါ ကုန်စည်နှင့်စပ်လျဉ်း၍ အာမခံချက်ပေးခြင်းဆိုင်ရာ အချက်အလက်များကို ရှင်းလင်းပြောကြားခဲ့ကြောင်း သတင်းရရှိပါသည်။
DOCA(စစ်ကိုင်း)