သန်လျင်၊ မေလ ၄ ရက်
ရန်ကုန်တောင်ပိုင်းခရိုင် ၂၀၂၁-၂၀၂၂ ခုနှစ် နွေစပါးအား သန်လျင်၊ ခရမ်း၊ တွံတေး၊ ကော့မှူး၊ ကွမ်းခြံကုန်းမြို့နယ်များတွင် ဧက(၆၉,၀၀၀)ကျော် စိုက်ပျိုးခဲ့ရာ ယခုအခါ လှိုင်လှိုင်ပေါ်ထွက်နေပြီ ဖြစ်ကြောင်း တောင်သူများထံမှသိရှိရသည်။
သန်လျင်၊ ကျောက်တန်း၊ ခရမ်းမြို့နယ်များတွင် နွေစပါး ဧကအနည်းငယ်သာ စိုက်ပျိုးပြီး တွံတေးမြို့နယ်တွင် ကျေးရွာအုပ်စု(၈)စု၊ ကော့မှူးမြို့နယ်တွင် ကျေးရွာ(၁၂)ရွာ၊ ကွမ်းခြံကုန်းမြို့နယ် တွင် ကျေးရွာ (၂၇)ရွာ စိုက်ပျိုးခဲ့ကြောင်း စိုက်ပျိုးရေးဦးစီးဌာနမှ စုံစမ်းသိရှိရသည်။
၂၀၂၁-၂၀၂၂ ခုနှစ် မေလဆန်းတွင် နွေစပါး (၄၆)ပေါင် စပါးတင်း (၁၀၀)လျှင် ကျပ် (၇၃၀,၀၀၀) ဝန်းကျင်ခန့် ပေါက်ဈေးရှိနေကြောင်း တောင်သူများထံမှ သိရရှိပါသည်။
DOCA(ရန်ကုန်)