၁၀.၁၂.၂၀၂၄ ရက်နေ့ နေ့လယ် (၁၂:၀၀) နာရီအချိန်တွင် (၁၁.၁၁.၂၀၂၄)ရက်နေ့မှ (၂၁.၁၁.၂၀၂၄)ရက်နေ့ထိ ရေးခရိုင်အတွင်းရှိ စက်ရုံ အလုပ်ရုံ (၃၉)ခု၏ ကုန်ထုတ်လုပ်မှုများ စစ်ဆေးဆောင်ရွက်ပြီးစီးခြင်းအပေါ် ရှင်းလင်းတင်ပြခြင်း အခမ်းအနားကို ရေးမြို့နယ်၊ အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ ကျင်းပပြုလုပ်ခဲ့ရာ အဆိုပါ အခမ်းအနားသို့ ခရိုင်စီမံအုပ်ချုပ်ရေးအဖွဲ့ဥက္ကဌ၊ မြို့နယ်စီမံအုပ်ချုပ်ရေးအဖွဲ့ဥက္ကဌနှင့် ဌာနဆိုင်ရာအကြီးအကဲများ၊ စက်ရုံအလုပ်ရုံ စီးပွားရေးလုပ်ငန်းရှင်များ တက်ရောက်ခဲ့ကြပြီး လုပ်ငန်းနှင့်သက်ဆိုက်သည့် စစ်ဆေးရေးအဖွဲ့ဝင် ဌာနအသီးသီးတို့မှ တက်ရောက်ခဲ့ကြပြီး ဌာနတစ်ခုချင်းအလိုက် စစ်ဆေးတွေ့ရှိချက်များအား Power Point ဖြင့် ရှင်းလင်းတင်ပြခြင်းများ ဆောင်ရွက်ခဲ့ပါသည်။
ထိုသို့ရှင်းလင်းတင်ပြရာတွင် စားသုံးသူရေးရာဦးစီးဌာနအနေဖြင့် သောက်ရေသန့် စက်ရုံ (၅) ရုံ၊ ဝဥစက်ရုံ (၃) ရုံတို့နှင့် ပတ်သက်သည့် စစ်ဆေးတွေ့ရှိချက်၊ လိုအပ်ချက်နှင့် အကြံပြုချက်များကို Power Point ဖြင့် ရှင်းလင်းတင်ပြခဲ့ကြောင်း သိရှိရပါသည်။
DOCA(မွန်)