ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံး၊ ဓနုဖြူဦးစီးမှူး ဦးဝင်းမင်းစိုးနှင့် ဝန်ထမ်းများသည် (၁၂.၁၂.၂၀၂၃) ရက်နေ့၊နံနက် (၀၉:၃၀)နာရီအချိန်တွင် ဓနုဖြူမြို့ပေါ်ရှိ ဆေးမျိုးစုံရောင်းချသည့်နေသည့် ဆိုင်(၇)ဆိုင်မှ ရောင်းချသော ဈေးများကို ဈေးကွက်စောင့်ကြည့်စစ်ဆေးခြင်း၊ စားသုံးသူပြည်သူများ ကျန်းမာရေးအတွက် အသုံးလိုသော ဆေးများ ဘေးကင်းစွာအသုံးပြုနိုင်ရန်၊ ဈေးနှုန်းတည်ငြိမ်စွာဝယ်ယူနိုင်ရန်နှင့် ဆေးပြတ်လပ်မှု မရှိစေရန်တို့ကို လစဉ် ကျန်းမာရေးဦးစီးဌာန၊ စည်ပင်သာယာရေးအဖွဲ့၊ တိုင်းရင်းဆေးပညာဦးစီးဌာနတို့နှင့်အတူပူးပေါင်း၍ ဈေးကွက်စောင့်ကြည့် စစ်ဆေးခဲ့ကြပါသည်။
ကွင်းဆင်းစစ်ဆေးရာတွင် ဓနုဖြူမြို့ပေါ်ရှိ ဆေးအမျိုးမျိုးရောင်းချနေသော ဆေးဆိုင်(၇)ဆိုင်မှ ရောင်းချနေသောဆေးဝါးများအား သက်ဆိုင်ရာဌာန၏ လုပ်ငန်းလိုင်စင် သက်တမ်းကျော်လွန်ခြင်း ရှိ/မရှိ၊ တိုင်းရင်းဆေးများတွင် တိုင်းရင်းဆေးဝါး မှတ်ပုံတင်အမှတ် ပါဝင်မှု ရှိ/မရှိ။ FDAဌာန၏ တရားဝင်တင်သွင်းဆေးဝါးများကိုသာ ရောင်းချရန်၊ သက်တမ်းလွန် ဈေးများကို သက်ဆိုင်ရာ ကုမ္ပဏီသို့ ပြန်လည်ပေးသွင်းပြီး လဲလှယ်ရန်နှင့်၊ ဓနုဖြူမြို့နယ်အတွင်း ဆီးချိုနှင့် ပတ်သက်သော ဆေးဝါးဈေးနှုန်းများ အနည်းငယ်ကျဆင်းနေကြောင်း စိစစ်တွေ့ရှိရပြီး၊ ဆေးမျိုးစုံရောင်းချသူလုပ်ငန်းရှင်များကို သတ်မှတ်ချက် စည်းကမ်းများနှင့်အညီ ရောင်းချရန်နှင့် ဌာနတို့၏ အမိန့်၊ ညွှန်ကြားချက်၊ သက်မှတ်ချက်များကို လိုက်နာဆောင်ရွက်ပြီး စားသုံးသူပြည်သူများ ဘေးအန္တရာယ်ကင်းစွာ အသုံးပြုနိုင်ရန် ရောင်းချပေးသွားရန်ကို အသိပညာပေးပြောကြားခဲ့ပြီး၊ သက်မှတ်ချက် မကိုက်ညီသောကုန်စည်များကို ရောင်းချခြင်းမျိုး စစ်ဆေးတွေ့ရှိပါက အရေးယူဆောင်ရွက်ခြင်း၊ ဌာနတို့၏ပြစ်မှု၊ပြစ်ဒဏ်ဥပဒေအတိုင်း အရေးယူခံရမည်ဖြစ် ကြောင်း ရှင်းလင်းဆွေးနွေးအသိပညာပေးခဲ့ကြောင်း သိရှိရပါသည်။
DOCA (ဧရာဝတီ)