ကမ္ဘောဒီးယား-တရုတ် နယ်စပ်ဖြတ်ကျော်ငွေပေးချေရေး စနစ်ချိတ်ဆက်မှုကို ဆက်လက်တိုးချဲ့ရန် စီစဉ်

        ကမ္ဘောဒီးယားနိုင်ငံတော်ဘဏ်အုပ်ချုပ်ရေးမှူး Dr. Chea Serey က ကုန်သွယ်မှု၊ ရင်းနှီး မြှုပ်နှံမှုနှင့်ခရီးသွားလုပ်ငန်းများမြှင့်တင်ရေးအတွက် နှစ်နိုင်ငံနယ်စပ်ဖြတ်ကျော်ငွေပေးချေရေး ချိတ်ဆက်မှုများကို ဆက်လက်တိုးချဲ့ဆောင်ရွက်သွားရန် တရုတ်နိုင်ငံအားတောင်းဆိုထားသည်။ Dr. Chea Serey သည် ၉-၁၂-၂၀၂၄ ရက်နေ့က ကမ္ဘောဒီးယားနိုင်ငံဆိုင်ရာတရုတ် သံအမတ်ကြီး Wang Wenbin နှင့် ကမ္ဘောဒီးယားအမျိုးသားဘဏ် Wat Phnom Building ၌ တွေ့ဆုံစဉ်ယင်းကဲ့သို့တောင်းဆိုခဲ့ခြင်းဖြစ်သည်။ ကမ္ဘောဒီးယားအမျိုးသားဘဏ်သည် တရုတ်ပြည်သူ့ဘဏ်၊ တရုတ်ငွေကြေးအဖွဲ့အစည်းများ၊ တရုတ်ကုမ္ပဏီများနှင့် ပူးပေါင်း ဆောင်ရွက်လျက်ရှိပြီး နှစ်နိုင်ငံဘဏ္ဍာရေးကဏ္ဍတွင် ကောင်းမွန်သောပူးပေါင်းဆောင်ရွက် မှုများရှိကြောင်း၊ နှစ်နိုင်ငံအကြားကုန်သွယ်မှုနှင့် ခရီးသွားလာရေးမြှင့်တင်ရန်အတွက် နယ်စပ်ဖြတ်ကျော်ငွေပေးချေမှုစနစ်များ အထူးသဖြင့် နှစ်နိုင်ငံသုံးငွေးကြေးများကို တိုက်ရိုက် ငွေပေးချေမှုများပြုလုပ်ခဲ့ကြောင်း Dr. Chea Serey ကဆက်လက်ပြောကြားခဲ့သည်။ သံအမတ်ကြီး Wang Wenbin က နယ်ပယ်စုံတွင်နှစ်နိုင်ငံအကြားခိုင်မာသော ချစ်ကြည်ရင်းနှီးမှု နှင့် ကောင်းမွန်သောငွေကြေးဆိုင်ရာ ပူးပေါင်းဆောင်ရွက်မှုများကိုတန်ဖိုးထားကြောင်း၊ နှစ်နိုင်ငံ ခေါင်းဆောင်များ၏ မျှော်မှန်းချက်များနှင့်အညီ နယ်စပ်ဖြတ်ကျော်ငွေပေးချေမှုများ အဆင်ပြေစေရန်နှင့် ကုန်သွယ်မှုချဲ့ထွင်ရန်အတွက် နှစ်နိုင်ငံအကြားငွေပေးချေမှုစနစ်များ ချိတ်ဆက်မှုများ ဆက်လက်လုပ်ဆောင်ရန်ပံ့ပိုးမှုများပေးခဲ့ကြောင်းပြောကြားခဲ့သည်။ နှစ်နိုင်ငံ ခေါင်းဆောင်များသည် ကုန်သွယ်မှုနှင့်အခြားကဏ္ဍများကို မြှင့်တင်ရာတွင် အထောက်အကူ ဖြစ်စေရန် ဘဏ်လုပ်ငန်းနှင့်ငွေကြေးကဏ္ဍများတွင် ပူးပေါင်းဆောင်ရွက်မှုများကိုအားကောင်း ခိုင်မာစေရန်ဆန္ဒရှိကြောင်း ထုတ်ဖော်ပြောကြားခဲ့ကြသည်။

DOCA(ရန်ကုန်)