ကိုရီးယားအထူးစီးပွားရေးဇုန်အတွက် စီးပွားရေးလုပ်ငန်းရှင်များနှင့် ဝန်ကြီးတွေ့ဆုံဆွေးနွေး

     ကမ္ဘောဒီးယားနိုင်ငံ၊ အလုပ်သမားနှင့်အသက်မွေးဝမ်းကြောင်းလေ့ကျင့်ရေးဝန်ကြီးဌာန၊ ဝန်ကြီး Heng Sour က ကိုရီးယားစီးပွားရေးလုပ်ငန်းရှင်းများကို နိုင်ငံတော်၏ ခိုင်မာသောရင်းနှီး မြှုပ်နှံမှုမူဝါဒများဖြင့် ကမ္ဘောဒီးယားတွင် အထူးစီးပွားရေးဇုန်တစ်ခုတည်ထောင်သင့်ကြောင်း ပြောကြားခဲ့သည်။ လျင်မြန်စွာတိုးချဲ့နေသော အထူးစီးပွားရေးဇုန်များမှတစ်ဆင့် နိုင်ငံခြား ရင်းနှီးမြှုပ်နှံမှုများကို ဆွဲဆောင်ရာတွင် နိုင်ငံတော်၏စီးပွားရေးဗျူဟာများနှင့် ကိုက်ညီမည်ဟု ယုံကြည်ထားသည်။ ကမ္ဘောဒီးယားနိုင်ငံဖွံဖြိုးတိုးတက်ရေးကို အထောက်အကူဖြစ်စေပြီး ကမ္ဘောဒီးယားလူမျိုးများအတွက် အလုပ်အကိုင်များစွာ ဖန်တီးပေးနိုင်မည်ဖြစ်သောကြောင့် အစိုးရအနေဖြင့် ကိုရီးယားအထူးစီးပွားရေးဇုန်များကို ကြိုဆိုပြီး အခိုင်အမာထောက်ခံအားပေးကြောင်း ဝန်ကြီးက ပြောကြားခဲ့သည်။ တောင်ကိုရီးယားနိုင်ငံသည် တရုတ်နိုင်ငံပြီးလျှင် ကမ္ဘောဒီးယားနိုင်ငံတွင် အကြီးဆုံးနိုင်ငံခြားတိုက်ရိုက်ရင်းနှီးမြှုပ်နှံမှု(FDI) အများဆုံးနိုင်ငံဖြစ်သည်။ တောင်ကိုရီးယားရင်းနှီးမြှုပ်နှံမှုအများစုသည် ထုတ်ကုန်ထုတ်လုပ်ခြင်း၊ လျှပ်စစ်ပစ္စည်းနှင့် မော်တော်ကားထုတ်လုပ်ခြင်းတို့ဖြစ်ကြသည်။ ကမ္ဘောဒီးယားနိုင်ငံသည် ၂၀၂၃ ခုနှစ်က ကုန်သွယ်မှုပမာဏ ကန်ဒေါ်လာ ၇၅၁ သန်းရှိပြီး အဓိကအားဖြင့် အထည်ချုပ်ထုတ်ကုန်နှင့် စိုက်ပျိုးရေးထွက်ကုန်များတင်ပို့မှုမှာ ကန်ဒေါ်လာ ၂၈၁ သန်းနှင့် မော်တော်ယာဉ်၊ လျှပ်စစ် ပစ္စည်းနှင့် ဖျော်ရည်ယမကာများတင်သွင်းမှုမှာ ၄၇၀ သန်းရရှိခဲ့သည်။

Source: Khmer Times

DOCA(ရန်ကုန်)