လက်ရှိဈေးကွက်များကို ခိုင်မာအားကောင်စေရန်နှင့် ဈေးကွက်အသစ်များတိုးချဲ့ရန် ဝန်ကြီးချုပ် တိုက်တွန်း

     ကမ္ဘောဒီးယားနိုင်ငံ၊ ဝန်ကြီးချုပ် Hun Manet က ကမ္ဘောဒီးယားထုတ်ကုန်များသည် ပြည်တွင်းနှင့် နိုင်ငံတကာဈေးကွက်တွင် သင့်လျော်သောဈေးကွက်များရရှိစေရေးအတွက် လက်ရှိဈေးကွက်များအားကောင်းစေရန်နှင့် ဈေးကွက်အသစ်များတိုးချဲ့ခြင်းတို့ကို ဆက်လက် လုပ်ဆောင်ရန်လိုအပ်ကြောင်း ဖနွမ်းပင်မြို့တွင်ကျင်းပပြုလုပ်ခဲ့သော “Cambodia Trade Expo 2024” တွင်ပြောကြားခဲ့သည်။ ကမ္ဘာ့စီးပွားရေးသို့ နက်ရှိုင်းစွာပေါင်းစည်းမှု၏ အရေးပါမှုနှင့် နှစ်နိုင်ငံ၊ ဒေသဆိုင်ရာနှင့် ဘက်စုံလွတ်လပ်သောကုန်သွယ်မှုသဘောတူညီချက်များကို ညှိနှိုင်းခြင်းဖြင့် အကျိုးကျေးဇူးများစွာပေးမည့် ဈေးကွက်သစ်များ ရရှာဖွေခြင်း၏အရေးပါမှုများ ကိုထပ်မံ ပြောကြားခဲ့သည်။ ကမ္ဘောဒီးယားအစိုးရသည်လုပ်ငန်းအစီအစဉ်များ အဆင်ပြေ ချောမွေ့စေရန်အတွက် အခွန်ပြုပြင်ပြောင်းလဲမှုစည်းမျဉ်းများကို ပြင်ဆင်ထားကြောင်း၊ ရင်းနှီးမြှုပ်နှံသူများ အတွက် တင်းကြပ်ထားသောလုပ်ငန်းစဉ်များကို အဖြေလျော့ပေးရန်အတွက် အချို့သောလုပ်ထုံးလုပ်နည်းများကို ပြုပြင်ပြောင်းလဲကာဖယ်ရှားပေးခဲ့သည်။ ဝန်ကြီးချုပ်က ကမ္ဘောဒီးယားပို့ကုန်များ တစ်နှစ်ထက်တစ်နှစ်တိုးတက်လာမှုအပေါ် ကျေနပ်အားရကြောင်းနှင့် ကမ္ဘောဒီးယား ထုတ်ကုန်များတင်ပို့သည့်နိုင်ငံ အရေအတွက်တိုးမြင့်လာကာ ကုန်သွယ်မှု တိုးမြင့်လာကြောင်း ပြောကြားခဲ့သည်။

Source: Khmer Times

DOCA(ရန်ကုန်)