ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ မအူပင်မြို့နယ်ဦးစီးမှူးရုံးမှ ဦးအောင်ဇော်ဦး(ဦးစီးအရာရှိ)သည် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ပူးပေါင်း၍ စားသုံး သူကာကွယ်ရေးအသိ ပညာပေး Talk Showကို ၂၀၂၄ခုနှစ် ဒီဇင်ဘာလ ၁၇ရက်နေ့ နေ့လယ် (၁၀:၃၀) နာရီ အချိန်တွင် မအူပင်လူထု အခြေပြု ဗဟိုဌာန Communit Center ခန်းမ၌ ကျင်းပပြုလုပ်ခဲ့ကြပါသည်။
အသိပညာပေး ဆွေးနွေးရာတွင် မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ မေးမြန်းရာ စားသုံးသူကာကွယ်ရေးဥပဒေနှင့် ရည်ရွယ်ချက်အကြောင်းကို ရှင်းလင်းပေးပါရန်တင်ပြလာ၍ မြို့နယ်ဦးစီးမှူး ဦးအောင်ဇော်ဦး က စားသုံးသူကာကွယ်ရေးဥပဒေ၏ ရည်ရွယ်ချက် (၈)ချက်ရှိကြောင်း၊ စားသုံးသူကာကွယ်ရေး လုပ်ငန်းစဉ်အကြောင်း၊ စားသုံးသူအခွင့်အရေး(၈)ချက်ကိုလည်းကောင်း စားသုံးသူများ စားသုံးသူအခွင့်အရေး နစ်နာမှု ရှိလာပါကလည်း တိုင်းကြားရှင်းလင်းတင်ပြခွင့်ရှိကြောင်း ပြောကြားခဲ့သည်။ စားသုံးသူများ နစ်နာဆုံးရှုံးမှုကြုံ တွေ့ရတဲ့အခါ တိုင်ကြားနိုင်တဲ့နည်းလမ်းများ အနေနဲ့ကတော့ စားသုံးသူကာကွယ်ရေးလုပ်ငန်းစဉ် လှုပ်ရှားမှုများကို doca.gov.mm website တွင်ဝင်ရောက်လေ့ လာနိုင်ကြောင်းနှင့် Consumer Call Center 1535 သို့တိုင်ကြားနိုင်ကြောင်း၊ စားသုံးသူရေးရာဦးစီးဌာန၏ Facebook Page၊ Play Store တွင် Mobile App၊ Download ရယူပြီး တိုင်ကြားနိုင်ကြောင်း၊ တိုင်း/ပြည်နယ်၊ ခရိုင်၊ မြို့နယ် အသီးသီးတွင် စားသုံးသူသတင်း ပြန်ကြားရေးနှင့် တိုင်ကြားမှုလက်ခံ ဆောင်ရွက်ရေး စင်တာများဖွင့်လှစ်ထားပြီး လူကိုယ်တိုင်ဖြစ်စေ၊ စာဖြင့်ဖြစ်စေ၊ ဖုန်းဖြင့်ဖြစ်စေ ဆက်သွယ်တိုင်ကြားနိုင်ပါကြောင်းရှင်းလင်းပြောကြားခဲ့ပါသည်၊ ဆက်လက်၍ ဘယ်လိုအခြေအနေမျိုးမှာ တိုင်ကြားရမည်လဲဟု မေးမြန်းရာ ဘယ်လိုအခြေအနေမျိုးမှာ တိုင်ကြားရ မည်လဲဆိုလျှင် ကုန်စည်/ ဝန်ဆောင်မှုနှင့် စပ်လျဉ်း၍ စားသုံးသူတွေဟာ ရုပ်ပိုင်းဆိုင်ရာ၊ စိတ်ပိုင်း ဆိုင်ရာဖြစ်စေ၊ ဂုဏ်သိက္ခါ ဖြစ်စေ၊ အမည်ဂုဏ်သတင်း ပိုင်ဆိုင်မှု တစ်ရပ်ရပ်ကိုဖြစ်စေ၊ ဥပဒေနှင့် မညီသည့် ထိခိုက်နစ်နာမှုဖြစ်ပေါ်လာပါက တိုင်ကြားနိုင်ပါကြောင်း ပြည်သူများသိရှိရန် ရှင်းလင်းပြော ကြားခဲ့ပါသည်။
DOCA(ဧရာဝတီ)