ကမ္ဘောဒီးယားနိုင်ငံ၊ စိုက်ပျိုးရေး၊ သစ်တောနှင့် ရေလုပ်ငန်းဝန်ကြီးဌာန (MAFF) မှ ရာဘာကဏ္ဍ ရေရှည်တည်တံ့ခိုင်မြဲစေရန်အတွက် Tbong Khmum ပြည်နယ်၊ Tbong Khmum ခရိုင်တွင် ရာဘာရိတ်သိမ်းခုတ်လှဲခြင်းပြိုင်ပွဲကို ၁၆-၁၂-၂၀၂၄ ရက်နေ့ကကျင်းပပြုလုပ်ခဲ့သည်။ ပြိုင်ပွဲဖွင့်ပွဲအခမ်းအနားတွင် MAFF မှ အတွင်းဝန် Prak David ၊ လက်ထောက်အတွင်းဝန်နှင့် ပြောရေးဆိုခွင့်ရှိသူ Im Rachna၊ MAFF ၏ ရာဘာညွှန်ကြားမှု ဦးစီးဌာန၊ ညွှန်ကြားရေးမှူးချုပ် Khun Kakada ၊ ရာဘာကုမ္ပဏီ (၃၄) ခုမှတာဝန်ရှိသူများနှင့် ဒေသခံ (၇၀) ဦးခန့်တက်ရောက်ခဲ့ သည်။ ပြိုင်ပွဲတွင်ပါဝင်ယှဉ်ပြိုင်ရန်လိုအပ်သော အရည်အချင်းရှိသည့် ပြိုင်ပွဲဝင်များကို ရွေးချယ်ရခြင်း၏ ရည်ရွယ်ချက်မှာ နိုင်ငံစီးပွားရေးကိုသိသိသာသာအထောက်အကူဖြစ်စေသည့် ရာဘာကဏ္ဍ၏ အရေးပါမှုကိုပြသရန်ဖြစ်ကြောင်းနှင့် လာမည့်နှစ်များတွင်လည်း ရာဘာလုပ်ငန်း ၏ အရည်အသွေးနှင့်ရေရှည်တည်တံ့မှုကို မြှင့်တင်ပေးနိုင်သော အလားတူပြိုင်ပွဲများကို ကျင်းပ ပေးသွားမည်ဖြစ်ကြောင်း Khun Kakada ကပြောကြားခဲ့သည်။ ပြိုင်ပွဲသည် ပူးပေါင်း ဆောင်ရွက်မှုကို မြှင့်တင်ပေးရုံသာမက အသက်မမွေးဝမ်းကြောင်းလုပ်ငန်း များတည်တံ့စေရန် နှင့်နိုင်ငံတော်၏ စီးပွားရေးကိုအထောက်အကူပြုရာတွင်ရာဘာလုပ်ငန်း၏ အရေးပါသောအခန်း ကဏ္ဍကိုအားဖြည့်ပေးကြောင်း၊ အလုပ်သမားများအကြား အပြန်အလှန်ဆက်ဆံရေးနှင့် အသိပညာများမျှဝေခြင်းတို့ကိုအားပေးခြင့်ဖြင့် ကမ္ဘောဒီးယားနိုင်ငံ၏ ရာဘာထုတ်လုပ်တင်ပို့မှု ကဏ္ဍကို ပိုမိုကောင်းမွန်စေကြောင်း ထပ်မံပြောကြားခဲ့သည်။ တရားဝင် ထုတ်ပြန်ထားသော အစီရင်ခံစာများအရ ကမ္ဘောဒီးယားသည် ၂၀၂၄ ခုနှစ်၊ ပထမ (၁၁) လအတွင်း သဘာဝရာဘာစေးတင်ပို့မှုမှ ဝင်ငွေအမေရိကန်ဒေါ်လာ ၅၆၈ သန်းရရှိခဲ့ပြီး ၂၀၂၃ ခုနှစ်၊ အလားတူ ကာလနှင့်နှိုင်းယှဉ်ပါက ၂၆.၇ ရာခိုင်နှုန်းတိုးမြင့်လာခဲ့ကြောင်းသိရှိရပါသည်။
Source : Khmer Times
DOCA(ရန်ကုန်)