ကမ္ဘောဒီးယား-တောင်ကိုရီးယား ကုန်သွယ်မှုတိုးတက်လာသည်နှင့်အမျှ Cambodia Angkor Air သည် တောင်ကိုရီးယားနောက်တောင်ဘက်ရှိ Muan ခရိုင်သို့ တိုက်ရိုက် ပျံသန်းမှုများစတင်ခဲ့သည်။ ဖနွမ်းပင်မှ ပထမဆုံးလေကြောင်းခရီးစဉ်များကို ဒီဇင်ဘာလ ၂၉ ရက်နေ့တွင်လည်းကောင်း၊ Siem Reap ပြည်နယ်မှ လေကြောင်းခရီးစဉ်များကို ၂၀၂၅ ခုနှစ်၊ ဇန်နဝါရီလ ၂ ရက်နေ့တွင်စတင်မည်ဖြစ်သည်။ Cambodia Angkor Air လေကြောင်းလိုင်းမှ ပြောရေးဆိုခွင့်ရှိသူက ပျံသန်းချိတ်ဆက်မှုအသစ်သည် ခရီးသွားများအတွက် အခွင့်အလမ်းများ ပိုမိုရရှိစေပြီး နှစ်နိုင်ငံ၏ ကြွယ်ဝသောယဉ်ကျေးမှု၊ လှပသောရှုခင်းများနှင့် ရင်းနှီးမြှုပ်နှံမှု အခွင့်အလမ်းများကိုရှာဖွေရန် ပိုမိုလွယ်ကူစေကြောင်းပြောကြားခဲ့သည်။ ကိုရီးယားစီးပွားရေး လုပ်ငန်းများကို ပိုမိုဆွဲဆောင်ရန်အတွက် ကမ္ဘောဒီးယားသည် ကိုရီးယားရင်းနှီးမြှုပ်နှံသူများနှင့် ပူးပေါင်း၍ အထူးစီးပွားရေးဇုန်များဖွံ့ဖြိုးတိုးတက်ရေးကို ဦးစားပေးဆောင်ရွက်လျက်ရှိသည်။ အလုပ်သမားနှင့် အသက်မွေးဝမ်းကြောင်းလေ့ကျင့်ရေးဝန်ကြီးဌာန၊ ဝန်ကြီး Heng Sour က တောင်ကိုရီးယားနိုင်ငံ Gyeonggi ပြည်နယ်မှ လာရောက်သည့် စီးပွားရေး ကိုယ်စားလှယ်အဖွဲ့ အား နိုင်ငံတော်၏အထူးစီးပွားရေးဇုန်များတွင် ရင်းနှီးမြှုပ်နှံမှုများပြုလုပ်ရန် နှင့် ကမ္ဘောဒီးယား-တောင်ကိုရီးယားလွတ်လပ်သော ကုန်သွယ်မှုသဘောတူညီချက်သည် ကိုရီးယားသို့ လယ်ယာထွက်ကုန်များတင်ပို့ရန်နှင့် ပြုပြင်ထုတ်လုပ်ရေးတို့တွင် ရင်းနှီးမြှုပ်နှံမှု များပြုလုပ်ရန် တွန်းအားတစ်ခုဖြစ်ကြောင်း ပြောကြားခဲ့သည်။
DOCA(ရန်ကုန်)