ကမ္ဘောဒီးယားနိုင်ငံ ဝန်ကြီးချုပ် Hun Manet က မဲခေါင်မြစ် အရှေ့ဘက်ဒေသ ဖွံ့ဖြိုးတိုးတက်ရေးတွင် ပုဂ္ဂလိကကဏ္ဍကိုပိုမိုတိုးတက်အောင်မြင်စေရန် ၁၇-၁၂-၂၀၂၄ ရက်နေ့တွင် ကျင်းပပြုလုပ်ခဲ့သော “Mekong Quay City” ဖွံ့ဖြိုးတိုးတက်ရေးစီမံကိန်းဖွင့်ပွဲခမ်းအနားတွင် ပြောကြားခဲ့သည်။ ဝန်ကြီးချုပ်က အဆိုပါ ဖွံ့ဖြိုးတိုးတက်ရေးစီမံချက်များသည် အခြေခံ အဆောက်အအုံမြှင့်တင်ရန်သာမက နိုင်ငံသားများ၏ အသက်မွေးဝမ်းကြောင်းမှုမြှင့်တင်ရေး တို့ကိုလည်း ရည်ရွယ်ထားကြောင်း ဝန်ကြီးချုပ်ကပြောကြားခဲ့သည်။ အခမ်းအနားတွင် ဝန်ကြီးချုပ်က မြှင့်တင်ရေးနှင့်အားပေးမှုများသည် လာမည့်နှစ်များအတွင်း ရှေ့ပိုင်းဒေသ ရေရှည်တည်တံ့ခိုင်မြဲသော ဖွံ့ဖြိုးတိုးတက်မှုဆီသို့ ဦးတည်သော ကနဦးခြေလှမ်းဖြစ်ကြောင်းနှင့် ပတ်ဝန်းကျင်ဒေသများ၏ အလားအလာကို မြှင့်တင်ပေးမည်ဖြစ်ကြောင်းပြောကြားခဲ့သည်။ နိုင်ငံတော်ဖွံ့ဖြိုးတိုးတက်မှုတွင် ပုဂ္ဂလိက ကဏ္ဍ၏ပါဝင်ဆောင်ရွက်မှုများကို အစိုးရအနေဖြင့် ကြိုဆိုပြီး နိုင်ငံနှင့်ပြည်သူများအတွက် အရှိန်အဟုန်ဖြင့် ဖွံ့ဖြိုးတိုးတက်လာစေရန်ဆောက်ရွက်လျက်ရှိသည်ဟု ထပ်လောင်းပြောကြားခဲ့သည်။ TP Moral Group (TPMG) နှင့် Khun Sea Group တို့အကြား ဖက်စပ်လုပ်ငန်းတစ်ခုဖြစ်သည့် “Mekong Quay City” စီမံကိန်းသည် Koh Norea ဖွံ့ဖြိုးတိုးတက်ရေးစီမံကိန်းနှင့် ဆန့်ကျင်ဘက် မဲခေါင်မြစ်အရှေ့ဘက်ကမ်းရှိ Akreiy Ksatr City တွင်တည်ရှိကြောင်းသိရှိရပါသည်။
Source : Khmer Times
DOCA(ရန်ကုန်)