၂၀၂၄ခုနှစ်၊ ဒီဇင်ဘာလ (၂၃)ရက်နေ့ နံနက်(၁၀း၀၀)နာရီအချိန်တွင် စားသုံးသူရေးရာ ဦးစီးဌာန၊ စစ်ကိုင်းတိုင်းဒေသကြီး၏ တိုင်းဦးစီးမှူးရုံးရှိ အစည်းအဝေးခန်းမ၌ ဝန်ထမ်းထုဆန္ဒ ဖော်ထုတ်ပွဲကို ကျင်းပပြုလုပ်ခဲ့ရာ အရာထမ်း၊ အမှုထမ်း (၃၆)ဦးနှင့် ကလေးခရိုင်၊ စစ်ကိုင်းခရိုင်၊ ရွှေဘိုခရိုင် ဦးစီးမှူးရုံးများမှ ဝန်ထမ်းအင်အား(၂၅) ဦး Zoom Meeting ဖြင့် တက်ရောက်ခဲ့ကြောင်း သိရှိရပါသည်။
အဆိုပါ ဝန်ထမ်းထုဆန္ဒဖော်ထုတ်ပွဲတွင် တိုင်းဒေသကြီးဦးစီးမှူး ဦးခမ်လျန်စွမ်းက အဖွင့် အမှာစကားပြောကြားရာတွင် ရှေ့ဆက်လက် ဆောင်ရွက်ရမည့် လုပ်ငန်းများနှင့် ပတ်သက်၍ ဌာနခွဲ များ၏ ဦးတည်ချက်၊ လုပ်ဆောင်ချက်များကို သိစေလိုခြင်းဖြစ်ကြောင်း ပြောကြားခဲ့ပါသည်။ ထို့နောက် ဒု-ဦးစီးမှူး ဒေါ်ခင်နှင်းဝေက ဝန်ထမ်းများ သိစေရန်အတွက် ပြည်ထောင်စုဝန်ကြီးရုံးမှ လမ်းညွှန် မှာကြားချက်ဖြစ်သည့်“ လုပ်ငန်းများ ဆောင်ရွက်ရာတွင် အမှားအယွင်း မရှိစေရေး၊ အဂတိ ကင်းရှင်းရေး၊ ဘက်လိုက်မှုမရှိစေရေး၊ မှန်မှန်ကန်ကန်ဖြစ်စေရေးအတွက် ဝန်ထမ်းများက မိမိဌာနအပေါ် ရိုးသားကြိုးစားပြီး သစ္စာရှိရှိဖြင့်ဆောင်ရွက်ရန်”အကြောင်း ရှင်းလင်တင်ပြခဲ့ပြီး စီမံရေးရာဌာနခွဲတာဝန်ခံအရာရှိ ဒေါ်တိုးတိုးချွန်က ယခင်လ ဆန္ဒဖော်ထုတ်ပွဲတွင် ဆွေးနွေးခဲ့သည့် ဆောင်ရွက်ရန် အချက်များနှင့် ပတ်သက်၍ ဆောင်ရွက်ပြီးစီးမှုအခြေအနေများကို ဆွေးနွေး တင်ပြခဲ့ကြောင်း သိရှိရပါသည်။
ဆက်လက်၍ သက်ဆိုင်ရာဌာနခွဲများနှင့် ခရိုင်ဝန်ထမ်းများက ဆန္ဒဖော်ထုတ်ခဲ့ကြပြီး ဌာနခွဲ အလိုက် လုပ်ငန်းဆောင်ရွက်မှုများအား တင်ပြခဲ့ကြပါသည်။ ထို့နောက် တိုင်းဒေသကြီးဦးစီးမှူးက နိဂုံးချုပ်အမှာစကားပြောကြားရာတွင် ဝန်ထမ်းများအနေဖြင့် အခက်အခဲများရှိပါက ပွင့်လင်းမြင်သာ စွာတင်ပြဆောင်ရွက်ရန်၊ ကျန်းမာရေး အထူးဂရုစိုက်ရန်၊ မိမိတို့သည် ဝန်ထမ်းများဖြစ်၍ သန့်ရှင်းသပ်ရပ်စွာ ဝတ်ဆင်နေထိုင်ကြရန် ပြောကြားပြီး နေ့လယ်(၁၂:၀၀)နာရီတွင် အခမ်းအနားကို အောင်မြင်စွာ ပြီးမြောက်ခဲ့ကြောင်း သတင်းရရှိသည်။
DOCA(စစ်ကိုင်း)