ရန်ကုန်တိုင်းဒေသကြီးစားသုံးသူရေးရာကော်မတီ(၅/၂၀၂၄)လုပ်ငန်းညှိနှိုင်းအစည်းအဝေးကို ၂၃.၁၂.၂၀၂၄ ရက်နေ့ နံနက် ၁၀ နာရီအချိန်တွင် ရန်ကုန်တိုင်းဒေသကြီးအစိုးရအဖွဲ့ရုံး၌ ကျင်းပပြုလုပ်ခဲ့ပါသည်။ အခမ်းအနားကို စားသုံးသူရေးရာကော်မတီဥက္ကဌဖြစ်သူ စီးပွားရေးရာ ဝန်ကြီးဦးမျိုးမြင့်အောင်၊ အတွင်းရေးမှူးဖြစ်သူ စားသုံးသူရေးရာဦးစီးဌာန၊ ရန်ကုန်တိုင်း ဒေသကြီးဦးစီးမှူး ဦးကျော်ကျော်လွင်၊ ကော်မတီဝင်များနှင့် ရန်ကုန်တိုင်းဒေသကြီး စားသုံးသူ ရေးရာ ဦးစီးဌာနမှတာဝန်ရှိသူများ စုစုပေါင်း ၁၄ ဦးတက်ရောက်ခဲ့ကြပါသည်။ အခမ်းအနား စတင်ချိန်တွင် စားသုံးသူရေးရာကော်မတီဥက္ကဌဖြစ်သူ စီးပွားရေးရာဝန်ကြီးဦးမျိုးမြင့်အောင်က အဖွင့်အမှာစကားပြောကြားခဲ့ပါသည်။ ထို့နောက် ယခင်အစည်းအဝေးဆုံးဖြတ်ချက်များအပေါ် ဆောင်ရွက်ပြီးစီးမှုနှင့် လုပ်ငန်းဆောင်ရွက်မှုအခြေအနေများအား စားသုံးသူရေးရာကော်မတီ အတွင်းရေးမှူးဖြစ်သူ ဦးကျော်ကျော်လွင်ကရှင်းလင်းပြောကြားခဲ့ပါသည်။ ဆက်လက်၍ အစည်းအဝေးသို့တင်ပြထားသည့်အမှာစာများအား ဖတ်ကြားတင်ပြခြင်းနှင့် အတည်ပြုချက် ရယူခြင်းတို့ပြုလုပ်ခဲ့ကြပါသည်။ ထို့နောက် တက်ရောက်လာသူများက အထွေထွေဆွေးနွေး ခဲ့ကြပြီး စားသုံးသူရေးရာကော်မတီဥက္ကဌဖြစ်သူ စီးပွားရေးရာဝန်ကြီးဦးမျိုးမြင့်အောင်က နိဂုံးချုပ်အမှာစကားပြောကြားခဲ့ကာ အခမ်းအနားပြီးမြောက်ခဲ့ပါသည်။
DOCA(ရန်ကုန်)