ကမ္ဘောဒီးယားနိုင်ငံ၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် ၂၀၂၄ ခုနှစ်၊ ပထမ (၁၁) အတွင်း ကုန်သွယ်မှုအမှတ်တံဆိပ် ၉,၄၁၂ ခုအားမှတ်ပုံတင်နိုင်ခဲ့ပြီး တစ်နှစ်ထက်တစ်နှစ် ၉.၂ ရာခိုင်နှုန်းတိုးတက်လာခဲ့ကြောင်း ဝန်ကြီးဌာန၏နှစ်ပတ်လည်အစီရင်ခံစာအရ သိရသည်။ ဝန်ကြီးဌာနသည် ၂၀၂၄ ခုနှစ်မှစတင်၍ မှတ်ပုံတင်ရန်အမှတ်တံဆိပ်အဆိုပြုချက်စုစု ပေါင်း ၁၁,၇၈၉ ခုကိုလက်ခံရရှိထားပြီး ၂၀၂၃ ခုနှစ်၊ အလားတူကာလနှင့် နှိုင်းယှဉ်ပါက ၁၆.၄၅ ရာခိုင်နှုန်းတိုးတက်လာခဲ့ကြောင်း အစီရင်ခံစာတွင်ဖော်ပြထားသည်။ ကုန်အမှတ်တံဆိပ် မှတ်ပုံတင်ခြင်းမှတဆင့်လုပ်ငန်းရှင်များသည် သုံးစွဲသူများ၏ယုံကြည်မှုကိုတည်ဆောက်ခြင်း နှင့်အတူ အရည်အသွေးကို အာရုံစိုက်ကာဈေးကွက်တွင် သီးသန့်ထုတ်ကုန်အမှတ်အသားတစ်ခု ဖန်တီးရန်အာရုံစိုက်ထားကြောင်း ဝန်ကြီးဌာနမှပြောကြားခဲ့သည်။ ပြည်တွင်းနှင့် ပြည်ပ ဈေးကွက်များတွင် ယှဉ်ပြိုင်နိုင်စွမ်းအားကောင်းစေရန် လုပ်ငန်းရှင်များသည်၎င်းတို့၏ ထုတ်ကုန်နှင့်ဝန်ဆောင်မှုများအတွက် မူပိုင်ခွင့်ကိုမှတ်ပုံတင်ရန် တိုက်တွန်းထားကြောင်း နိုင်ငံခြားရေးဝန်ကြီး၏ ပြောရေးဆိုခွင့်ရှိသူ So Sreymech ကပြောကြားခဲ့သည်။ စွန့်ဦးတီထွင် သူများအား Ai နည်းပညာဆိုင်ရာ ထုတ်ကုန်ဖွံဖြိုးတိုးတက်ရေး၊ ၎င်းတို့၏ အမှတ်တံဆိပ်များကို မြှင့်တင်ရန်၊ ထုတ်ကုန်သို့မဟုတ် ဝန်ဆောင်မှုအရည်အသွေးကို မြှင့်တင်ရန်နှင့်ပြပွဲများတွင် ၎င်းတို့၏ထုတ်ကုန်များကိုခင်းကျင်းပြသရာတွင်ပါဝင်ခြင်း၊ လုပ်ဆောင်ရာတွင် ဥပဒေများကို လိုက်နာခြင်းနှင့် အကောင်အထည်ဖော်ဆောင်ရွက်ခြင်း၊ ဒစ်ဂျစ်တယ်စနစ်များကို အသုံးပြု၍ Ai နည်းပညာဆိုင်ရာတီထွင်ဖန်တီးမှုများအကြောင်းဆက်လက်လေ့လာရန် တိုက်တွန်းခဲ့သည်။ ဝန်ကြီးဌာနသည် ပြုပြင်ပြောင်းလဲမှုများကိုဆက်လက်လုပ်ဆောင်နေပြီး အများပြည်သူ ဝန်ဆောင်မှုပေးဝေမှုအရည်အသွေးကို အလိုလျောက်စနစ်ဖြင့်မြှင့်တင်ပေးကာ ကုန်ကျစရိတ်နှင့် အချိန်ကိုလျှော့ချကာ ဈေးနှုန်းတည်ငြိမ်မှုကို ထိန်းသိမ်းကာပြည်တွင်း ကုန်သွယ်မှု၊ ဈေးကွက်ဖွံ့ဖြိုးတိုးတက်ရေးနှင့် ပုဂ္ဂလိကကဏ္ဍဖွံ့ဖြိုးတိုးတက်ရေးတို့ကိုတို့ကို မြှင့်တင်ပေးနေကြောင်း Sreymech ကဆက်လက်ပြောကြားခဲ့ကြောင်း သိရှိရပါသည်။
Source : Khmer Times
DOCA(ရန်ကုန်)