မကွေးတိုင်းဒေသကြီး၊ တောင်တွင်းကြီးမြို့နယ်ဦးစီးမှူးရုံး၌ (၂၁.၁၂.၂၀၂၄)ရက်နေ့၊ နံနက် (၁၀:၀၀)အချိန်တွင် တိုင်းဒေသကြီးဦးစီးမှူးမှ တောင်တွင်းကြီးမြို့နယ်ရှိ ကြားပွဲစားများကို စျေးကစား မှုမရှိစေရေးနှင့် စျေးကစားပါက အရေးယူဆောင်ရွက်မည်ဖြစ်ကြောင်း အသိပညာပေးဟောပြောပွဲ ပြုလုပ်ခဲ့ကြောင်း သိရသည်။
တိုင်းဒေသကြီးဦးစီးမှူးမှ ကြားပွဲစားမှတ်ပုံတင်များ ပြုလုပ်ရမည်ဖြစ်ကြောင်းနှင့် ကြားပွဲစား ကတ် များကိုင်ဆောင်၍ စပါးဝယ်ယူရမည်ဖြစ်ကြောင်း၊ စပါးများကိုဝယ်ယူရာတွင် တစ်လတစ်ကြိမ် ထွက်ရှိသော ဆန်ရည်ညွှန်းစျေးကို လေ့လာချင့်ချိန်၍ ဝယ်ယူရမည်ဖြစ်ကြောင်းနှင့် ဆန်ရည်ညွှန်း စျေးထက် ပိုမို၍ ဝယ်ယူလျှင် တရားစွဲမည်ဖြစ်ကြောင်း၊ စပါးကြားပွဲစားကတ်မရှိဘဲ စပါးဝယ်ယူလျှင် ဒေသန္တရ အမိန့်အရ ရာဇသတ်ကြီးပုဒ်မ (၁၈၈)ဖြင့် အရေးယူဆောင်ရွက်မည်ဖြစ်ကြောင်း အသိ ပညာပေး ဆွေးနွေးခဲ့ကြောင်း သိရှိရပါသည်။
DOCA(မကွေး)