“ပြင်ဦးလွင်မြို့နယ်အတွင်းရှိဆန်ပွဲရုံလုပ်ငန်းရှင်များနှင့်တွေ့ဆုံဆွေးနွေးပွဲကျင်းပ”

          ပြင်ဦးလွင်မြို့နယ်အတွင်း ရောင်းချနေသော ဆန်ပွဲရုံ လုပ်ငန်းရှင် (၂၀)ဦး တို့နှင့် မြို့နယ်ဆန်စပါးလုပ်ငန်းရှင်များအသင်းဖွဲ့စည်းနိုင်ရေး‌တွေ့ဆုံဆွေးနွေးပွဲကို ၂၀၂၄ခုနှစ် ၊ ဒီဇင်ဘာ လ(၂၄)ရက်နေ့၊ နံနက်(၁၀:၀၀)နာရီတွင် ပြင်ဦးလွင်မြို့နယ်စည်ပင်သာယာရေးအဖွဲ့ မြို့မဈေး ရုံးခန်းမ၌ စားသုံးသူရေးရာဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင် သာယာရေးအဖွဲ့တို့နှင့်တွေ့ဆုံခဲ့ကြပါသည်။ အဆိုပါ တွေဆုံပွဲတွင်မြို့နယ်အထွေထွေအုပ်ချုပ်ရေး ဦးစီးဌာန ၊ ဦီးအာကာမျိုး(ဒု-ဦးစီးမှူး)မှ အသင်းဖွဲ့စည်းနိုင်ရေး ကနဦးလုပ်ငန်းရှင်များနှင့် တွေ့ဆုံရခြင်းဖြစ်ပါကြောင်း၊ တစ်ဦးတစ်ယောက်ထက်စုဖွဲ့ဆောင်ရွက်ဖို့လိုပါကြောင်း ၊ စည်ပင် သာယာရေးအဖွဲ့၊ဦးတင်ကိုကို(ဒု-ဦးစီးမှူး)မှ အခြေခံစားသောက်ကုန်များ ကုန်ဈေးနှုန်းတည်ငြိမ် ရေးအပတ်စဉ်ကွင်းဆင်း ကောက်ယူလျှက်ရှိကြောင်းနှင့် ဈေးနှုန်းများကိုအတည်တကျဖြေဆို ပေးရန်လိုကြောင်း၊ စားသုံးသူရေးရာဦးစီးဌာနမှတာဝန်ခံ ဦီးသက်လွင်ထူး (ဦးစီးအရာရှိ)မှ ဆန်ပွဲရုံ လုပ်ငန်းရှင်များအနေဖြင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှထုတ်ပြန်ထားသော ဆန်စပါးသိုလှောင်ရုံ မှတ်ပုံတင်ခြင်းဆိုင်ရာအမိန့်ကို လိုက်နာဖို့လိုပါကြောင်း ၊ ဆန်တန်ချိန် (၂၅) နှင့်အထက် သိုလှောင်ရုံ သို့မဟုတ် စပါးတင်း(၂၅၀၀)နှင့်အထက် သိုလှောင်ရုံတစ်မျိုးမျိုးကို ပိုင်ဆိုင်သူသည် www.myro.com.mm တွင် သိုလှောင်ရောင်းချသူမည်သူမဆို မှတ်ပုံတင်ဖို့ လိုအပ်ပါကြောင်း ၊ လစဉ်ထုတ်ပြန်သော သင့်တင်မျှတသော ဈေးကွက် ၊ ဈေးနှုန်း (Reasonable Market Rice) ထုတ်ပြန်ချက်အတိုင်းရောင်းချဖို့လည်းလိုအပ်ပါကြောင်း နှင့် မိမိတို့ဌာနအနေဖြင့် အပတ်စဉ် အခြေခံစားသောက်ကုန်ဈေးနှုန်းအား အထက်အဆင့်ဆင့်သို့ တင်ပြရသောကြောင့် ဈေးနှုန်းအမှန်ဖြင့်ပြောကြားဖို့လိုပြီး ၄င်းဈေးနှုန်းဖြင့် ပြည်သူများသို့ရောင်းချလိုပါကြောင်း ၊ စည်းလုံးခြင်းသည်အင်အားဆိုသည့်အတိုင်း အားလုံးစည်းရုံးစွာဖြင့် အသင်းဖွဲ့စည်းနိုင်ရေးဆောင် ရွက်ပေးနိုင်ရန်လိုကြောင်း ဆွေးနွေးခဲ့ပြီး တက်ရောက်လာသော လုပ်ငန်းရှင်များမှ သိလိုသည်များ မေမြန်းထားမှုအားပြန်လည်ပြောကြားကာ တွေ့ဆုံဆွေးနွေးမှုအား နံနက်(၁၁:၀၀)နာရီတွင် ပြီးဆုံး ကြောင်းသတင်းရရှိပါသည်။

 DOCA(မန္တလေး)