စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် ၂၀၁၉ ခုနှစ်၊ မတ်လ(၁၅)ရက်နေ့တွင် အတည်ပြုပြဌာန်းခဲ့သော စားသုံးသူကာကွယ်ရေးဥပဒေကို ပြည်သူ များ သိရှိလိုက်နာစေရန် အသိပညာပေး ကြိုးပမ်းဆောင်ရွက်လျက်ရှိပါတယ်။ ထိုသို့ ဆောင်ရွက် လျက်ရှိရာ သက်ဆိုင်ရာတိုင်းဒေသူကြီး/ပြည်နယ်များအလိုက် စားသုံးသူရေးရာကော်မတီများ ဖွဲ့စည်းပြီး စားသုံးသူကာကွယ်ရေးကိစ္စရပ်များ ဆောင်ရွက်ပေးလျက်ရှိပါတယ်။
မန္တလေးတိုင်းဒေသကြီး စားသုံးသူရေးရာကော်မတီကို မန္တလေးတိုင်းဒေသကြီးအစိုးရအဖွဲ့ဝင် စီးပွားရေးရာဝန်ကြီးမှ ဥက္ကဌအဖြစ် ဦးဆောင်တာဝန်ယူ၍ စုစုပေါင်းအဖွဲ့ဝင်(၉)ဦးဖြင့် ဖွဲ့စည်း ထားပြီး စားသုံးသူကာကွယ်ရေးလုပ်ငန်းများ ဆောင်ရွက်လျက်ရှိပါတယ်။ မန္တလေးတိုင်းဒေသကြီး စားသုံးသူရေးရာကော်မတီတွင် အဖွဲ့ဝင်ဌာနများအဖြစ် အထွေထွေအုပ်ချုပ်ရေးဦးစီးဌာန၊ ကုန်သွယ် ရေးဦးစီးဌာန၊ မန္တလေးမြို့တော်စည်ပင်သာယာရေးကော်မတီ၊ အစားအသောက်နှင့်ဆေးဝါးကွပ်ကဲ ရေးဦးစီးဌာန (FDA)၊ မြန်မာနိုင်ငံရဲတပ်ဖွဲ့၊ တိုင်းဒေသကြီးဥပဒေချုပ်ရုံး၊ လူသုံးကုန်နှင့်အလှကုန် ရောင်းဝယ်သူများအသင်းနှင့် စားသုံးသူရေးရာဦးစီးဌာနတို့ ပါဝင်ဖွဲ့စည်းထားပါတယ်။
ယခုအခါ မန္တလေးတိုင်းဒေသကြီးစားသုံးသူရေးရာကော်မတီအဖွဲ့ဝင် ဌာနအချို့ဖြစ်သည့် စားသုံးသူရေးရာဦးစီးဌာန၊ အထွေထွေအုပ်ချုပ်ရေးဦးစီးဌာန၊ မန္တလေးမြို့တော်စည်ပင်သာယာရေး ကော်မတီ၊ ကုန်သွယ်ရေးဦးစီးဌာနနှင့် အစားအသောက်နှင့်ဆေးဝါးကွပ်ကဲရေးဦးစီးဌာန (FDA)တို့မှ အဖွဲ့ဝင်များ ပြင်ဆင်ဖွဲ့စည်းခဲ့ကြောင်း သိရှိရပါတယ်။ မန္တလေးတိုင်းဒေသကြီးစားသုံးသူရေးရာ ကော်မတီ၏ (၄/၂၀၂၄) လုပ်ငန်းညှိနှိုင်းအစည်းအဝေးမှစ၍ အဖွဲ့ဝင်သစ်များနှင့် စားသုံးသူကာကွယ် ရေးလုပ်ငန်းများ ဆက်လက်ညှိနှိုင်းဖြေရှင်းဆောင်ရွက်လျက်ရှိကြောင်း သိရှိရပါတယ်။
DOCA(မန္တလေး)