စိုက်ပျိုးရေးအခြေခံထုတ်ကုန်ဆိုင်ရာ မြန်မာစံချိန်စံညွှန်းများအား ဝယ်ယူလေ့လာနိုင်
အပြည်ပြည်ဆိုင်ရာနှင့် ဒေသတွင်းကုန်သွယ်မှု လွယ်ကူချောမွေ့စေရေးအတွက် အထောက် အကူပြုသော စံချိန်စံညွှန်းများ ဖော်ထုတ်ချမှတ်နိုင်ရေးနှင့် မြန်မာစံချိန်စံညွှန်းများ ပေါ်ထွက်လာ စေရေးအတွက် အမျိုးသားစံချိန်စံညွှန်းကောင်စီက သက်ဆိုင်ရာကဏ္ဍအလိုက် စံချိန်စံညွှန်းရေးဆွဲ ရေးနည်းပညာဆပ်ကော်မတီစုစုပေါင်း ၂၈ ခု ဖွဲ့စည်းထားရှိပါသည်။
စံချိန်စံညွှန်းရေးဆွဲရေးနည်းပညာဆပ်ကော်မတီများ အနေဖြင့် စံချိန်စံညွှန်းရေးဆွဲရာတွင် အောက်ဖော်ပြပါ အဆင့် (၆) ဆင့်ဖြင့် ရေးဆွဲပြုစုဆောင်ရွက်လျက်ရှိပါသည်-
(က) အဆိုပြုခြင်းအဆင့်
(ခ) ကြိုတင်ပြင်ဆင်ခြင်းအဆင့်
(ဂ) နည်းပညာဆပ်ကော်မတီအဆင့်
(ဃ) အများပြည်သူသဘောထားမှတ်ချက်တောင်းခံခြင်းအဆင့်
(င) အတည်ပြုခြင်းအဆင့်
(စ) ပုံနှိပ်ထုတ်ဝေခြင်းအဆင့်
နည်းပညာဆပ်ကော်မတီ(၂၈)ခု အနက် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနမှ ဒုတိယညွှန်ကြားရေးမှူးချုပ်က စိုက်ပျိုးရေး အခြေခံထုတ်ကုန် စံချိန် စံညွှန်းရေးဆွဲရေး နည်းပညာဆပ်ကော်မတီ ဥက္ကဋ္ဌအဖြစ် တာဝန်ယူ၍ ပို့ကုန်အလားအလာရှိသည့် လယ်ယာထွက်ကုန်သီးနှံများအား ဦးစားပေးအလိုက် မြန်မာစံချိန်စံညွှန်းများရေးဆွဲ လျက်ရှိပါသည်။
စိုက်ပျိုးရေးအခြေခံထုတ်ကုန်စံချိန်စံညွှန်းရေးဆွဲရေး နည်းပညာဆပ်ကော်မတီ အဆင့်တွင် ရေးဆွဲအတည်ပြုပြီးဖြစ်သည့် ပူးတွဲပါ လယ်ယာထွက်ကုန်သီးနှံအမယ် ၃၄ မျိုးတို့အား အမျိုးသား စံချိန်စံညွှန်းကောင်စီက မြန်မာစံချိန်စံညွှန်းများအဖြစ်ထုတ်ပြန်ထားရှိပြီးဖြစ်ပါသည်။
အဆိုပါ စိုက်ပျိုးရေးအခြေခံထုတ်ကုန်ဆိုင်ရာ မြန်မာစံချိန်စံညွှန်းစာအုပ်များအား လေ့လာ ဖတ်ရှုလိုပါက သိပ္ပံနှင့်နည်းပညာဝန်ကြီးဌာန၊ သုတေသနနှင့်တီထွင်ဆန်းသစ်မှုဦးစီးဌာန (ဖုန်း ၀၉ -၉၅၅၀၃၀၆၀၉) နှင့်ချိတ်ဆက် ဝယ်ယူလေ့လာနိုင်ပါကြောင်း ဖော်ပြလိုက်ရပါသည်။
DOCA(ITQM)
