သီရိလင်္ကာနိုင်ငံ၌ ဆန်စပါးထုတ်လုပ်မှုကျဆင်းပြီး ဈေးကွက်အတွင်း ဆန်ပြတ်လပ်မှုကို ဖြေရှင်းနိုင်ရန် ၂၀၂၄ ခုနှစ် နိုဝင်ဘာလမှ စတင်၍ ပြည်ပမှ ဆန်ကိုတင်သွင်းခွင့်ပြုခဲ့ရာ သတ်မှတ် ကာလနောက်ဆုံးနေ့ရက်ဖြစ်သော ၁၀-၁-၂၀၂၅ နေ့ ကုန်ဆုံးချိန်၌ ဆန်ကြမ်းတန်ချိန် ၆၆၀၀၀ နှင့် ပေါင်းဆန် တန်ချိန် ၁၀၁၀၀၀ တို့အပါအဝင် ဆန်မက်ထရစ်တန်ချိန် ၁၆၇၀၀၀ ကျော်ကို တင်သွင်း ခဲ့ကြောင်း အကောက်ခွန်ဌာနမှ ပြောကြားခဲ့သည်။
သို့သော် လက်ရှိကာလတွင် ဆန်မက်ထရစ်တန် ၈၀၀၀ စီ တင်ဆောင်လာသည့် သင်္ဘော နှစ်စီးသည် ကိုလံဘိုဆိပ်ကမ်းအနီးတွင် ကျောက်ချရပ်နားထားဆဲဖြစ်သည်။ အစိုးရအနေဖြင့် အဆိုပါ တင်သွင်းထားသည့် ဆန်များနှင့်စပ်လျဉ်း၍ ဆက်လက်ဆောင်ရွက်မည့် အစီအမံများကို ဆုံးဖြတ်ချက် လိမ့်မည်ဟု မျှော်လင့်ရကြောင်း အကောက်ခွန်ဌာန၏ ပြောရေးဆိုခွင့်ရှိသူ Seewali Arukgoda က ပြောကြားခဲ့သည်။
Source: News 1st, 11-01-2025(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)