စားသုံးသူရေးရာဦးစီးဌာန၊ တောင်ငူခရိုင်ဦးစီးမှူး ဦးမျိုးအောင်သည် ဇန်နဝါရီလ ၉ ရက် နေ့ မွန်းလွဲပိုင်းတွင် ခရိုင်ဦးစီးမှူးရုံး၌ တောင်ငူခရိုင်အတွင်းရှိ စားသုံးဆီကို ရည်ညွှန်းဈေးဖြင့် ဝယ်ယူ ရရှိသည့် ကိုယ်စားလှယ်များနှင့်တွေ့ဆုံဆွေးနွေးပါသည်။
ခရိုင်ဦးစီးမှူးက စားသုံးဆီရောင်းချရာတွင် လူစုလူဝေးမဖြစ်စေရေးအတွက် စားသုံးဆီ ဝယ်ယူခွင့်စာအုပ်ဖြင့် ရောင်းချရာတွင် ရပ်ကွက်/ကျေးရွာအုပ်စုများအတွင်း အမှန်တကယ်နေထိုင် သည့် အိမ်ထောင်စုတိုင်းအား အညီအမျှရောင်းချပေးနိုင်ရေးကိစ္စ၊ သတ်မှတ်ရည်ညွှန်းဈေးအပေါ် သယ်ယူစရိတ်ပေါင်းပြီး နှစ်ရာခိုင်နှုန်းထက်မပိုဘဲအမြတ်တင်ရောင်းရန် ညွှန်ကြားချက်အား တိကျ စွာ လိုက်နာဆောင်ရွက်ရန်ကိစ္စများကို ရှင်းလင်းပြောကြားပါသည်။
ထို့နောက် တက်ရောက်လာသည့် မြို့နယ်အလိုက်ကိုယ်စားလှယ်များက ဆွေးနွေးတင်ပြ ရာ ခရိုင်ဦးစီးမှူးက တင်ပြချက်များအပေါ် ပြန်လည်ရှင်းလင်းဆွေးနွေးခဲ့ပါသည်။ တွေ့ဆုံဆွေးနွေးပွဲ သို့ တောင်ငူ၊ ရေတာရှည်၊ ထန်းတပင်၊ အုတ်တွင်းမြို့နယ်များမှ စားအုန်းဆီများကို ရည်ညွှန်းဈေးဖြင့် ဝယ်ယူခွင့်ရရှိသူ ကိုယ်စားလှယ်(၄)ဦး တက်ရောက်ကြောင်း သိရပါသည်။
DOCA(ပဲခူး)