ထိုင်းနိုင်ငံကြံနှင့်သကြားဘုတ်အဖွဲ့ရုံး(OCSB)က လုပ်ငန်းမှတာဝန်ရှိသူများသည် တရုတ် နိုင်ငံက ထိုင်းနိုင်ငံထံမှသကာရည် (Syrup) တင်ပို့မှုကို အစားအစာလုံခြုံစိတ်ချရမှု အကြောင်း ပြချက်ဖြင့် ပိတ်ပင်လိုက်ခြင်းသည် နိုင်ငံတွင်းမှ သကြားထုတ်လုပ်သူများအား သက်ရောက်မှုရှိ မည်မဟုတ်ဟု ယုံကြည်နေကြောင်း ပြောကြားခဲ့ပါသည်။ တရုတ်အာဏာပိုင်များသည် ထိုင်း နိုင်ငံ ရှိစက်ရုံများတွင် သန့်ရှင်းရေးစံနှုန်းများအပေါ် စိုးရိမ်ပူပန်မှုသည် ထိုပိတ်ပင်ခြင်း၏ အဓိက အကြောင်းပြချက်ဖြစ်ကြောင်းသိရပါသည်။ OCSB ၏ အတွင်းရေးမှူးချုပ်ဖြစ်သူ Bainoi Suwanchatree က ထိုင်းနိုင်ငံသကြားထုတ်လုပ်သူများသည် အားကောင်းသော ဝယ်လက်များ ရှိပြီး သကြားကို ကမ္ဘာတစ်ဝှမ်း များစွာသောနိုင်ငံများသို့ တင်ပို့လျှက်ရှိသောကြောင့် တရုတ်နိုင်ငံ ၏ပိတ်ပင်မှုသည် ၎င်းတို့အပေါ် သိသာစွာသက်ရောက်မှုရှိမည်မဟုတ်ဟု တာဝန်ရှိသူများက မျှော်လင့်နေကြောင်း ပြောကြားခဲ့ပါသည်။ စက်မှုဝန်ကြီးဌာန၊ စီးပွားကူးသန်းဝန်ကြီးဌာနှင့် အကောက်ခွန်ဦးစီးဌာနတို့သည် ထိုပိတ်ပင်မှုနှင့်ပတ်သတ်၍ ဆွေးနွေးမှုများပြုလုပ်နေကြောင်း သိရပါသည်။ Mr Bainoi က တရုတ်နှင့် အာဆီယံကြား လွတ်လပ်သော ကုန်သွယ်ရေးသဘော တူညီချက်အောက်တွင် တရုတ်နိုင်ငံသို့ သကာရည်တင်ပို့မှုအတွက် အကောက်ခွန်ကုန်ကျစရိတ် မရှိကြောင်းနှင့် တရုတ်နိုင်ငံသည် သကာရည်တင်သွင်းမှု မြင့်တက်လာပါက ၎င်းတို့၏ သကြား လုပ်ငန်းကို သက်ရောက်မှုရှိလာမည်ကို စိတ်ပူနေခြင်းဖြစ်ကြောင်း ပြောကြားခဲ့ပါသည်။ ထို့ပြင် တရုတ်သည် ထိုင်းနိုင်ငံအား တင်ပို့ရာအချက်အချာအဖြစ် အသုံးပြုပြီး အခွန်ရှောင်လွှဲလျှက်ရှိ သည့် တရုတ်သကာရည်ကုမ္ပဏီများနှင့်လည်း ရင်ဆိုင်ရလျှက်ရှိကြောင်း သိရပါသည်။ ထိုကုမ္ပဏီ များသည် သကာရည်ထုတ်လုပ်ရန် ထိုင်းသကြားထုတ်လုပ်သူများထံမှ သကြားဝယ်ယူကာ ထုတ် ကုန်များကို တရုတ်နိုင်ငံသို့တင်ပို့လျှက်ရှိကြောင်း သိရပါသည်။ တရုတ်နိုင်ငံသည် ထိုင်းနိုင်ငံ နှင့် ဘရာဇီးနိုင်ငံတို့ထံမှ သကာရည် အဓိကတင်သွင်းသည့် ဈေးကွက်ဖြစ်ကြောင်း သိရပါသည်။ ထိုင်းနိုင်ငံသည် ကမ္ဘာ့တတိယအကြီးဆုံး သကြားထုတ်လုပ်သူဖြစ်ပြီး လတ်တလောတွင် နိုင်ငံ၌ စက်ရုံ ၅၈ ခုရှိကြောင်း သိရပါသည်။ ဘရာဇီးသည် ကမ္ဘာ့နံပါတ်တစ် သကြားထုတ်လုပ်သူဖြစ်ပြီး သြစတေးလျနိုင်ငံက ဒုတိယအကြီးမားဆုံးထုတ်လုပ်သူဖြစ်ကြောင်း သိရပါသည်။ ထိုင်းနိုင်ငံ သည် တရုတ်နိုင်ငံသို့ လွန်ခဲ့သည့် ၇-၈ နှစ်မှစ၍ သကာရည်စတင်တင်ပို့ခဲ့ခြင်းဖြစ်ပြီး ကနဦး တွင် တစ်နှစ်လျှင် တန်ချိန် ၁၀၀၀၀၀ တင်ပို့ကြောင်း သိရပါသည်။ ထိုပမာဏသည် ၂၀၂၃ ခုနှစ် တွင် တန်ချိန် ၆၀၀၀၀၀-၇၀၀၀၀၀ ထိ မြင့်တက်ခဲ့ပြီး ၂၀၂၄ ခုနှစ်တွင် တန်ချိန် ၁.၂ သန်း ရှိခဲ့ကြောင်း OCSB ၏အဆိုအရ သိရပါသည်။ တရုတ်သည် ထိုင်းကုန်တင်သင်္ဘောတွင် တင်ဆောင်လာသည့် ဘတ် သန်း ၄၀၀ ကျော်တန်ဖိုးရှိသည့် သကာရည်များအား စံနှုန်း ညီညွတ် မှုမရှိသောကြောင့် ဒီဇင်ဘာလ ၁၀ ရက်နေ့မှစ၍ ထိုင်းနိုင်ငံမှသကာရည်တင်သွင်းမှု ရပ်တန့်ရန် ဆုံးဖြတ်ခဲ့ကြောင်း သိရပါသည်။
Bangkok Post
DOCA(ရန်ကုန်)