အင်ဒိုနီးရှားနိုင်ငံစိုက်ပျိုးမွေးမြူရေးဝန်ကြီးဌာန၏ ဒုတိယဝန်ကြီးဖြစ်သူ Sudaryono က ပြည်သူများအနေဖြင့် ငှက်သိုက်မွေးမြူရေးလုပ်ငန်းလုပ်ကိုင်ရန် တိုက်တွန်းအားပေးခဲ့ပြီး ၎င်း သည် မိသားစုများ၏စီးပွားရေး တိုးတက်ရန်သိသာထင်ရှားသောအလားအလာရှိပြီး နိုင်ငံ၏တင်ပို့ မှုများကို အရှိန်မြှင့်တင်နိုင်မည်ဟု ပြောကြားခဲ့ပါသည်။ အင်ဒိုနီးရှားနိုင်ငံသည် ကမ္ဘာ့ငှက်သိုက် တင်ပို့မှု၏ ၆၀ ရာခိုင်နှုန်းရှိကြောင်း သိရပါသည်။ အစိုးရသည်လည်း ငှက်မွေးမြူရေးသမားများ အား ပံ့ပိုးပေးမည်ဖြစ်ပြီး လိုအပ်သောလုပ်ငန်းစဉ်များအား ရှင်းလင်းစေရန်နှင့် အရှိန်မြှင့်တင်ရန် ပြင်ဆင်ထားကြောင်း သိရပါသည်။ Sudaryono က အစိုးရဘက်ခြမ်းအနေဖြင့် တင်ပို့မှုပမာဏ မြှင့်တင်ရန်အလိုရှိကြောင်းနှင့်လုပ်ငန်းရှင်များစိတ်အားထက်သန်စေရန်အတွက် စည်းမျဉ်းများကို ရှင်းလင်းစေရန် ဆောင်ရွက်ပေးသွားမည်ဟု ပြောကြားခဲ့ပါသည်။ အင်ဒိုနီးရှားသမ္မတသည် အစား အစာဖူလုံမှုရှိစေရန်၊ တင်သွင်းမှုလျှော့ချရန်နှင့် တင်ပို့မှုမြှင့်တင်ရန် ရည်ရွယ်ထားကြောင်း သိရ ပါသည်။ Sudaryono က ငှက်များအတွက်အသိုက်များသင့်ရုံမျှစီစဉ်ပေးရုံမျှဖြင့် မွေးမြူရေးသမား များသည် ဝင်ငွေအများအပြားရရှိနိုင်ကြောင်းနှင့် ငှက်သိုက်ဈေးနှုန်းများသည်လည်း တစ်ကီလို ဂရမ်လျှင် ရူပီးသန်းချီရရှိနိုင်ကြောင်း ပြောကြားခဲ့ပါသည်။ စိုက်ပျိုးမွေးမြူရေးဝန်ကြီးဌာနသည် လည်း နိုင်ငံ၏ GDP တိုးတက်လာရန် ငှက်သိုက်ထုတ်ကုန်များ ပြုပြင်ထုတ်လုပ်တင်ပို့ခြင်းကို တွန်းအားပေးဆောင်ရွက်လျက်ရှိကြောင်း သိရပါသည်။ အင်ဒိုနီးရှားနိုင်ငံသည် ကမ္ဘာပေါ်တွင် ငှက်သိုက်အဓိကရောင်းချသူဖြစ်ပြီး ကမ္ဘာ့စုစုပေါင်းရောင်းချမှု၏ ၆၀ မှ ၈၀ ရာခိုင်နှုန်းကြားပံ့ပိုး ရောင်းချလျှက်ရှိကြောင်း သိရပါသည်။ ၎င်းတို့သည် တစ်နှစ်လျှင် ငှက်သိုက်တန်ချိန် ၁၈၀၀ တင်ပို့လျှက်ရှိပြီး တရုတ်နိုင်ငံက တန်ချိန် ၅၀၀ ဖြင့် အဓိကတင်သွင်းသူဖြစ်ကြောင်းသိရပါသည်။
DOCA(ရန်ကုန်)