မွန်ဂိုလီးယားနိုင်ငံ၏ နိုင်ငံခြားကုန်သွယ်မှု ပမာဏသည် ၂၀၂၄ ခုနှစ်တွင်အမေရိကန် ဒေါ်လာ ၁၇.၄ ဘီလီယံခန့်ရှိပြီး ၂၀၂၃ ခုနှစ်နှင့် နှိုင်းယှဥ်ပါက ၁၂.၃ % တိုးတက်ခဲ့ကြောင်း မွန်ဂိုလီးယား အကောက်ခွန် အထွေထွေအုပ်ချုပ်ရေးဌာနမှ ၁၀.၁.၂၀၂၅ ရက်နေ့က ထုတ်ပြန်သော အချက်အလက်များအရသိရသည်။ မွန်ဂိုလီးယားနိုင်ငံသည် ကုန်သွယ်မှုပိုငွေကို သိသာထင်ရှားစွာ ဖော်ပြခဲ့ပြီး သွင်းကုန်ထက်ပို့ကုန်သည် ၄.၁ ဘီလီယံ ကျော်ကျော်ရှိခဲ့သည်။ ဤပိုလျှံမှုသည် အဓိကအားဖြင့် မွန်ဂိုလီးယားနိုင်ငံ၏ စီးပွားရေးအုတ်မြစ် အဖြစ်ကျန်ရှိသော သတ္တုတွင်းထွက် ပစ္စည်းများ တင်ပို့မှုသိသိသာသာတိုးလာခြင်းကြောင့် ဖြစ်သည်ဟု အုပ်ချုပ်ရေးအဖွဲ့က မှတ်ချက် ပြုသည်။ သတ္တုတွင်းထွက်ကုန်များသည် ၂၀၂၄ ခုနှစ်တွင် မွန်ဂိုလီးယားစုစုပေါင်းပို့ကုန်တင်ပို့မှု၏ ၉၀% ခန့်ရှိပြီး နိုင်ငံ၏ကုန်သွယ်မှုစွမ်းဆောင်ရည်ကို မောင်းနှင်ရာတွင်အရေးပါသော အခန်းကဏ္ဍ အား မီးမောင်းထိုးပြလျှက်ရှိသည်။ အိမ်နီးချင်းတရုတ်နိုင်ငံသည် မွန်ဂိုလီးယား၏ အကြီးဆုံး ကုန်သွယ်ဖက်အဖြစ် ဆက်လက်တည်ရှိပြီး ထိပ်တန်းပို့ကုန်နှင့်သွင်းကုန် အဓိကအရင်းအမြစ် အဖြစ် ရပ်တည်လျှက်ရှိသည်။ ၂၀၂၄ ခုနှစ်တွင် တရုတ်နိုင်ငံသည် မွန်ဂိုလီးယားပို့ကုန်၏ ၉၁.၃ % နှင့် သွင်းကုန် ၄၀ % ခန့်အားကုန်သွယ်ရောင်းဝယ်မှုပြုလုပ်ခဲ့ကြောင်းသိရသည်။
DOCA(ရန်ကုန်)