စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဝန်ထမ်းများသည် (၉.၁.၂၀၂၅) နံနက်(၁၁:၀၀)နာရီအချိန်တွင် အင်းစိန်မြို့နယ်၊ ရွာမအနောက်ရပ်ကွက်ရှိ အလှကုန်ပစ္စည်း နှင့် လူသုံးကုန်ပစ္စည်းများအား အွန်လိုင်းစနစ်ဖြင့် ရောင်းချနေသော နေရာသို့ မြေပြင်ကွင်းဆင်း စစ်ဆေးခဲ့ ပါသည်။
ထိုသို့ မြေပြင်ကွင်းဆင်းစစ်ဆေးရာတွင် အမှတ်(၆၄၂)၊ မင်းစေတီလမ်း၊ ရွာမအနောက် ရပ်ကွက်၊ အင်းစိန်မြို့နယ်ရှိ ချိုဝေလွင်လွင်အမည်ဖြင့် အွန်လိုင်းစနစ်ဖြင့် ရောင်းချနေသူ ဒေါ်ချိုဝေလွင်လွင်အား မြေပြင်စစ်ဆေးခြင်းအဆင့်ဆင့်တွင်ပါဝင်သော အချက်(၁၈)ချက်နှင့် ကိုက်ညီမှု ရှိ/မရှိစစ်ဆေးခဲ့ပြီး စားသုံးသူကာကွယ်ရေးဥပဒေပါ ကုန်စည်ပေါ်တွင် ဖော်ပြ ပါရှိရမည့် ကုန်အညွှန်း အမှတ်အသားဖော်ပြမှုရှိ/မရှိတို့ကို မြေပြင်ကွင်းဆင်းစစ်ဆေးခဲ့ကြောင်း သိရှိရပါသည်။
DOCA(ရန်ကုန်)