ကမ္ဘောဒီးယားနိုင်ငံ၏ နိုင်ငံတကာကုန်သွယ်မှုသည် ၂၀၂၄ ခုနှစ်တွင် သိသိသာသာ တိုးတက်လာခဲ့ပြီး ၂၀၂၃ ခုနှစ်တွင် ကန်ဒေါ်လာ ၄၆.၈၂ ဘီလီယံမှ ၅၄.၇၄ ဘီလီယံအထိ ၁၆ ရာခိုင်နှုန်းတိုးလာခဲ့ကြောင်း ကမ္ဘောဒီးယားနိုင်ငံ၊ အကောက်ခွန်နှင့် အခွန်ကြီးကြပ်မှုဦးစီးဌာန (GDCE) မှ ၁၀-၁-၂၀၂၅ ခုနှစ်တွင် ထုတ်ပြန်ခဲ့သည်။ နိုင်ငံတော်သည် နိုင်ငံခြားဈေးကွက်သို့ ကန်ဒေါ်လာ ၂၆.၁၉ ဘီလီယံ တန်ဖိုးရှိကုန်ပစ္စည်းများကို တင်ပို့ခဲ့ပြီး ၂၀၂၃ ခုနှစ်ထက် ၁၅.၇ ရာခိုင်နှုန်းတိုးမြင့်လာခဲ့ပြီး ကုန်သွယ်ဖက်နိုင်ငံများထံမှ ကန်ဒေါ်လာ ၂၈.၅၄ ဘီလီယံတန်ဖိုးရှိ ကုန်ပစ္စည်းများ တင်သွင်းခဲ့ပြီး ၁၈ ရာခိုင်နှုန်းတိုလာသည်ဟု အစီရင်ခံစာတွင်ဖော်ပြထားသည်။ ကမ္ဘောဒီးယားနိုင်ငံ၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန (MOC) မှ ပြောရေးဆိုခွင ရှိသူ Penn Sovicheat က ကမ္ဘောဒီးယားနိုင်ငံသည် တရုတ်၊ တောင်ကိုရီးယားနိုင်ငံတို့နှင့် လွတ်လပ်သောကုန်သွယ်မှုသဘောတူညီချက်များ (FTAs) နှင့် ဒေသတွင်းဘက်စုံစီးပွားရေး ပူးပေါင်းဆောင်ရွက်မှု(RCEP) တို့သည် ကုန်သွယ်မှုတိုးမြင့်လာစေရန် အထောက်အကူပြုကြောင်း ပြောကြားခဲ့သည်။ RCEP နှင့် ကမ္ဘောဒီးယား-တရုတ် လွတ်လပ်သောကုန်သွယ်မှုသဘော တူညီချက် (CCFTA) သည် ကုန်သွယ်မှုတိုးတက်ရေးကို သိသိသာသာမြှင့်တင်ပေးခဲ့ကြောင်း Penn Sovicheat ထပ်မံပြောကြားခဲ့သည်။ ကမ္ဘောဒီးယားနိုင်ငံသို့ အဓိကတင်ပို့သည့်ကုန်ပစ္စည်း များတွင် အထည်ချုပ်၊ စက်ယန္တရားများ၊ လျှပ်စစ်ပစ္စည်းများ၊ ဖိနပ်များ၊ သားရေပစ္စည်းများ၊ ဆန်စပါး၊ ပရိဘောဂ၊ ရာဘာ၊ သစ်သီးဝလံ၊ ဟင်းသီးဟင်းရွက်များနှင့် အထည်လိပ်ပစ္စည်းများ ပါဝင်ပြီး တင်သွင်းမှုတွင် ဆေးဝါးနှင့်ဖြည့်စွက်စာများ၊ လူသုံးကုန်ပစ္စည်းများ၊ အစား အသောက်နှင့်ဖျော်ရည်ယမကာများ ပါဝင်သည်။
DOCA(ရန်ကုန်)