ရန်ကုန်တိုင်းဒေကြီး၊ တွံတေးခရိုင်၊ ဒလမြို့နယ်ဈေးကွက်အတွင်း နို့နှင့်နို့ထွက်ပစ္စည်းအမျိုးမျိုး တို့တွင် ကုန်အညွှန်းအမှတ်အသားပြည့်စုံစွာ ဖော်ပြထားခြင်းရှိ/မရှိအား စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံး၏ ညွှန်ကြားချက်အရ မြို့နယ်အတွင်း ဈေးကွက်စောင့်ကြည့်စစ်ဆေးခြင်းကို ဇန်နဝါရီလ (၁၃)ရက်နေ့၊ နံနက် (၁၀:၃၀)နာရီတွင်၊ ကမာကဆစ်စည်ပင်သာယာဈေးအတွင်း ကွင်းဆင်း စစ်ဆေးခဲ့ကြောင်း သိရသည်။
ထို့သိုကွင်းဆင်းစစ်ဆေးခဲ့ရာတွင် မြို့နယ်စည်ပင်သာယာရေးအဖွဲ့မှ ဈေးတာဝန်ခံနှင့် ဒလမြို့ စားသုံးသူရေးရာဦးစီးဌာနမြို့နယ် တာဝန်ခံတို့သည် ကမာကဆစ်စည်ပင်သာယာဈေးအတွင်းရှိ ရုံက-၃၉ ဒေါ်မြင့်သူဇာကုန်စုံဆိုင်၊ ရုံက-၃၁/၃၂ ဦးအောင်မိုး ကုန်စုံဆိုင်တို့တွင်ရောင်းချလျှက်ရှိသော နို့နှင့်နို့ထွက်ပစ္စည်းအမျိုးမျိုးတို့အား စားသုံးသူပြည်သူများ ဘေးအန္တရာယ် ကင်းရှင်းစေရေးနှင့် ထုတ်ကုန် လုံခြုံစိတ်ချရမှုရှိစေရေးတို့အတွက် ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု (သို့မဟုတ်)တစ်ခုထက်ပို၍ တွဲလျက်ဖြစ်စေရေးသား ဖော်ပြရမည့်အချက်များ ဖော်ပြထားခြင်းရှိ/မရှိကို ကွင်းဆင်းစစ်ဆေးခဲ့ပြီး ဆိုင်ပိုင်ရှင်များအား ဈေးကွက် အတွင်း ဖြန့်ဖြူးရောင်းချလျှက်ရှိသော နို့နှင့်နို့ထွက် ပစ္စည်းအမျိုးမျိုးတို့တွင် ကုန်အညွှန်းအမှတ်အသား ပြည့်စုံစွာဖော်ပြထားခြင်းမရှိသော ကုန်ပစ္စည်းများနှင့် သက်တမ်းလွန်၊ စံချိန်စံညွှန်းမကိုက်ညီသော စားသောက်ကုန်ပစ္စည်းများအား ဝယ်ယူဖြန့်ဖြူးရောင်းချခြင်းများ မပြုလုပ်ကြရန် စားသုံးသူကာကွယ် ရေးအသိပညာပေး ဆွေးနွေးပြောကြားခဲ့ပြီး ဈေးကွက်စောင့်ကြည့် ကွင်းဆင်းစစ်ဆေးခဲ့ကြောင်း သိရသည်။
DOCA(ရန်ကုန်)