၂၀၂၄-၂၅ ဘဏ္ဍာနှစ် ပထမ ကိုးလတာ ကာလအတွင်း မြန်မာနိုင်ငံမှ ပျားရည် တန်ချိန် ၁၁၀၀ ကျော် တင်ပို့မှုမှ အမေရိကန်ဒေါ်လာ ၁ ဒသမ ၆ သန်းကျော် ရရှိခဲ့ကြောင်း စိုက်ပျိုးရေး၊ မွေးမြူရေးနှင့် ဆည်မြောင်း ဝန်ကြီးဌာနမှ ၁၃.၁.၂၀၂၅ ရက်နေ့တွင် ပြောကြားခဲ့သည်။
ပျားရည်တင်ပို့မှုမှာ ယခင်ဘဏ္ဍာနှစ် အလားတူကာလတွင် ပျားရည်တန်ချိန် ၁၆၀၀ ခန့် ရှိပြီးအမေရိကန်ဒေါ်လာ ၂ ဒသမ ၄ သန်းရရှိခဲ့ကြောင်း မွေးမြူရေးနှင့် ကုသရေးဦးစီးဌာနမှတာဝန် ရှိသူတစ်ဦးက ပြောသည်။
မြန်မာနိုင်ငံသည် ဂျပန်၊ တောင်ကိုရီးယား၊ ထိုင်း၊ ဂျာမနီနှင့် တရုတ်နိုင်ငံတို့ အပါအဝင် နိုင်ငံများသို့ ပျားရည်ကို တင်ပို့နေကြောင်း ၎င်းက ဆက်လက်ပြောကြားခဲ့သည်။
မြန်မာနိုင်ငံတွင် ပျားရည် အဓိကထွက်ရှိရာ ဒေသများမှာ မကွေးတိုင်းဒေသကြီး၊ စစ်ကိုင်း တိုင်းဒေသကြီး၊ မန္တလေးတိုင်းဒေသကြီးနှင့် ရှမ်းပြည်နယ်တို့ဖြစ်ကြောင်း သိရသည်။
DOCA(ရန်ကုန်)