ပြင်သစ်နှင့်တရုတ်နိုင်ငံတို့ကိုကျော်လွန်ရန်ရည်ရွယ်၍ ကိုရီယားနိုင်ငံသည် ကမ္ဘာ့ အကြီးဆုံး ခရုကမာကောင်များတင်ပို့ရောင်းချသည့် နိုင်ငံဖြစ်လာစေရန်ရည်ရွယ်ချက်ဖြင့် သမုဒ္ဒရာနှင့် ငါးလုပ်ငန်းဝန်ကြီး ဌာနက ၉.၁.၂၀၂၅ ရက်နေ့တွင် နိုင်ငံ၏ ကမာမွေးမြူရေး လုပ်ငန်းကို မြှင့်တင် ရန်အစီအမံများကို ကြေညာခဲ့သည်။ ကိုရီးယားနိုင်ငံ၏ ပင်လယ် ရေမှော်ခြောက်တင်ပို့မှုတွင် အောင်မြင်မှုရရှိခဲ့ပြီး ၂ နှစ်ဆက်တိုက် ဝမ် ၁၀၀ ထရီလီယံ (ဒေါ်လာ ၆၈၈ သန်း) ရရှိခဲ့ပြီးနောက် ထိုကြေညာချက် ထွက်ပေါ်လာခြင်းဖြစ်သည်။ ငါးလုပ်ငန်းဝန်ကြီး ဌာန၏ အဆိုအရ ကမ္ဘာ့ကမာ စျေးကွက်သည် ၂၀၂၂ ခုနှစ်စာရင်းအရ အမေရိကန်ဒေါ်လာ သန်း ၆၀၀ ရှိကြောင်းသိရသည်။ ၂၀၂၃ ခုနှစ်ကိုရီးယားနိုင်ငံသည် သန်း ၈၀ တန်ဖိုးရှိကမာကောင်များ ကိုတင်ပို့ခဲ့ပြီး ပြင်သစ်နှင့်တရုတ် နိုင်ငံတို့ပြီးလျှင် ကမ္ဘာ့တတိယအကြီးဆုံး ကမာ တင်ပို့သော နိုင်ငံအဖြစ် ဆက်လက်ရပ်တည်လျှက် ရှိသည်။ ကိုရီးယားအစိုးရသည် ကမာကောင်များအား ၂၀၃၀ ခုနှစ်တွင်တင်ပို့မှုပမာဏအားဒေါ်လာ သန်း ၁၆၀ အထိတိုးမြှင့်နိုင်ရန်ကြိုးပမ်းနေပြီး ၂၀၂၃ ခုနှစ်၏ တန်ချိန် ၃၀၀၀၀၀ မှ ၂၀၃၀ တွင် တန်ချိန် ၄၀၀၀၀၀ အထိမြှင့်တင်နိုင်ရန် ကြိုးပမ်းလျှက်ရှိသည်။ အထူးသဖြင့် ငါးလုပ်ငန်းဝန်ကြီး ဌာနသည် ဥရောပစျေးကွက်တွင် ကိုရီယားကမာကောင် တင်ပို့ရောင်းချသူများ၏ တိုးချဲ့မှုကို ပံ့ပိုးပေးရန်ဖြစ်ပြီး စားသုံးသူများက အခွံနှင့်တွဲဖက်ထားသောကမာများကို ပိုမိုနှစ်သက်ကြသည်။ အဆိုပါကမာအမျိုးအစားသည် အခွံမပါသော ကမာများထက်ပိုကြီးကာ စျေးနှုန်းလည်းမြင့်မား၍ ၎င်းတို့အားကိုရီးယား စျေးကွက်တွင် အများဆုံးတွေ့ရသည်။ ယခု ၁ % မှ ၂၀၃၀ တွင်တန်ဖိုးမြင့် ကမာအမျိုးအစား များ၏ အချိုးအစားအား ၃၀% အထိတိုးမြင့်ရန် အစီအစဥ်ဖြင့် ကမာလယ်သမားများအား အခွံပါသော ကမာများပိုမို ထုတ်လုပ်ရန်ဝန်ကြီးဌာနကဆောင်ရွက်မည် ဖြစ်သည်။ လက်ရှိ ကိုရီးယားကမာတင်ပို့မှုတစ်ခုလုံး၏ ၇၀% ရှိသည့်အမေရိကန်နှင့်ဂျပန် စျေးကွက်များတွင် ၎င်းတို့၏ ရှယ်ယာများတိုးမြင့်လာစေရန် ဝန်ကြီးဌာနကကူညီပေးမည် ဖြစ်သည်။ နိုင်ငံတကာ အသိအမှတ်ပြုလက်မှတ်များ ရရှိရန်ကမာတောင်သူများအတွက် ဘဏ္ဍာငွေပံ့ပိုးပေးခြင်းသည် ပို့ကုန်မြှင့်တင်ရေးဆောင်ရွက်ချက်တစ်ခုပင်ဖြစ်သည်။ ထို့အပြင် ဝန်ကြီးဌာနသည် ကမာကောင် များနှင့်ဆက်စပ်သောလုပ်ငန်းများကို အာရုံစိုက်ကာ ၎င်းတို့၏ထုတ်လုပ်မှုလုပ်ငန်းစင်များကို အလိုအလျှောက်လုပ်ဆောင်ပေးခြင်းဖြင့် တွန်အားပေး ဆောင်ရွက်သွားမည်ဖြစ်သည်။ ပြည်တွင်းကမာစားသုံးမှုကိုမြှင့်တင်ရန်နှင့် ကမာမွေးမြူရေးခြံများ အားညစ်ညမ်းစေသော ညစ်ညမ်းမှုတားဆီးရေးအစီအစဥ်များကိုလည်း ဝန်ကြီးဌာန၏ နောက်ဆုံးထုတ်ပြန်ချက်တွင် ထည့်သွင်းထားသည်။ ကမာသည်အခြားငါးဖမ်းထွက်ကုန်များနှင့် မတူပဲကမ္ဘာတစ်ဝှမ်း တွင် ရေပန်းစားသော ပင်လယ်စာဖြစ်သောကြောင့် ကိုရီးယားကုမ္ပဏီများ သည်၎င်းတို့၏ ကမ္ဘာလုံးဆိုင်ရာတိုးချဲ့မှုအတွက် အခွင့်အလမ်းကိုဆုပ်ကိုင်ထားနိုင်ကြောင်း ငါးလုပ်ငန်းဝန်ကြီး Kang Do-Hyun မှ ပြောကြားခဲ့သည်။
DOCA(ရန်ကုန်)