အင်ဒိုနီးရှားနိုင်ငံစိုက်ပျိုးမွေးမြူရေးဝန်ကြီးဌာန ဒုတိယဝန်ကြီးဖြစ်သူ Sudaryno က အင်ဒိုနီးရှားအစိုးရသည် အခမဲ့အာဟာရရှိသော အစားအစာပရိုဂရမ်စာရင်း(MBG)တွင် ပါဝင်သည့် နို့လိုအပ်ချက်ပြည့်မီရန် ၂၀၂၅ ခုနှစ်ကုန်တွင် နို့စားနွား ၂၀၀၀၀၀ ထိ တင်သွင်းမည်ဟု ဇန်နဝါရီလ ၁၄ ရက်နေ့ကကြေညာခဲ့ကြောင်း သိရပါသည်။ Sudaryno ၏အဆိုအရ ဩစတေးလျနှင့် အခြားနိုင်ငံများထံမှ ဝယ်ယူခွင့်အတွက် သွင်းကုန်စည်းမျဉ်းများ ပြီးမြောက်ပြီဖြစ်ကြောင်း သိရ ပါသည်။ ထို့ပြင် ၎င်း၏ဌာနသည် မွေးမြူရေးသမားများက ထိုနို့စားနွားများအတွက် နွားခြံများ တည်ဆောက်နိုင်ရေး မြေနေရာပံ့ပိုးပေးရန် အကောင်အထည်ဖော်လျှက်ရှိကြောင်း သိရပါသည်။ Sudaryno က ထိုကနဦးဆောင်ရွက်မှုသည် လတ်ဆတ်သောနို့ပြုပြင်ထုတ်လုပ်သည့်စက်ရုံ တည်ထောင်ရန်ရည်ရွယ်သည့် အစိုးရ၏သိသာထင်ရှားသော ရင်းနှီးမြှုပ်နှံမှုကို ကိုယ်စားပြု ကြောင်း ပြောကြားခဲ့ပါသည်။ ထိုနို့စားနွားဝယ်ယူမှုကနဦးဆောင်ရွက်မှုတွင် ပြည်တွင်းနှင့်ပြည်ပ မှကုမ္ပဏီ ၁၆၀ က ပူးပေါင်းပါဝင်ရန် အာမခံထားကြောင်း သိရပါသည်။ တစ်ချိန်တည်းမှာပင် တိရိစ္ဆာန်မွေးမြူရေးနှင့် တိရိစ္ဆာန်ကျန်းမာရေး၏ ညွှန်ကြားရေးမှူးချုပ်ဖြစ်သူ Agung Suganda က ကိုယ်ဝန်ဆောင်ထားသည့် Frisian Holstein နို့စားနွား အကောင်ရေ ၅၀ မှာ ဩစတေးလျ နိုင်ငံမှ အင်ဒိုနီးရှားနိုင်ငံသို့ ရောက်ရှိလာပြီဖြစ်ကြောင်း၊ ထိုနွားများသည် သမ္မတ Prabowo ၏ MBG ပရိုဂရမ်၏တွင် ပါဝင်ရန်မျှော်လင့်ရကြောင်း၊ ထိုနို့စားနွားများရောက်ရှိလာမှုသည် ဝန်ကြီး ဌာန၏ နိုင်ငံအတွင်း နို့စားနွားအရေအတွက်မြင့်တက်ရန် ရင်းနှီးမြှုပ်နှံသူများ၏ ပူးပေါင်းပါဝင်မှု အရှိန်မြှင့်တင်ရန် အစီအစဉ်၏ တစ်စိတ်တစ်ပိုင်းဖြစ်ကြောင်း ပြောကြားခဲ့ပါသည်။ အစိုးရသည် လာမည့်ငါးနှစ်အတွင်း နို့စားနွား ကောင်ရေ တစ်သန်းရရှိရန် ရည်မှန်းထားကြောင်း သိရပါသည်။ MBG ပရိုဂရမ်ကို ဇန်နဝါရီလ ၆ ရက်နေ့မှစ၍ ပြည်နယ် ၂၆ ခု၌ တစ်ဖြည်းဖြည်းစတင်လျှက်ရှိပြီး ဆင်းရဲနွမ်းပါးမှုလျှော့ပါးရန်နှင့် ရွှေရောင်အင်ဒိုနီးရှား ၂၀၄၅ ၏ကျယ်ပြန့်သောရည်မှန်းချက်များ ၏ တစ်စိတ်တစ်ပိုင်းဖြစ်သည့် လူထုစီးပွားရေးကိုမောင်းနှင်ပေးရန် ရည်ရွယ်ကြောင်း သိရ ပါသည်။
DOCA(ရန်ကုန်)