နိုင်ငံတကာ ကျောက်မီးသွေး ဈေးနှုန်းများ ကျဆင်းခြင်းကြောင့် တရုတ်နိုင်ငံ၏ ကျောက်မီးသွေး တင်သွင်းမှုသည် အစောပိုင်းနှစ်ကထက် ၁၄.၄% မြင့်တက်ခဲ့ပြီး ၂၀၂၄ ခုနှစ်တွင် စံချိန်တင် အမြင့်ဆုံးသို့ ခုန်တက်ခဲ့ကြောင်း တရုတ်တရားဝင် အချက်အလက်များအရ တနင်္လာနေ့ တွင် ဖော်ပြခဲ့သည်။ တရုတ်နိုင်ငံ၏ ကျောက်မီးသွေး တင်သွင်းမှုသည် ၂၀၂၃ ခုနှစ်တွင် တန်ချိန် ၄၇၄ ဒသမ ၄၂ သန်း တင်သွင်းခဲ့ရာမှ ယမန်နှစ်တွင် မက်ထရစ်တန်ချိန် ၅၄၂ ဒသမ ၇ သန်းအထိ မြင့်တက်လာခဲ့ကြောင်း ရိုက်တာ ၏ ပြောကြားချက်ကို ကိုးကား၍ တရုတ်အကောက်ခွန် အထွေထွေ အုပ်ချုပ်ရေး၏ အချက်အလက်များအရ သိရသည် ။ ယခုနှစ်တွင် တရုတ်နိုင်ငံ၏ ကျောက်မီးသွေးဝယ်လိုအားနှင့် ထုတ်လုပ်မှုသည် ဆက်လက်မြင့်တက် ဖွယ်ရှိပြီး လောင်စာသည် နိုင်ငံ၏ စွမ်းအင်စနစ်၏ကျောရိုးအဖြစ် ဆက်လက်တည်ရှိနေကြောင်း တရုတ်ကျောက်မီးသွေး သယ်ယူပို့ဆောင်ရေးနှင့် ဖြန့်ဖြူးရေးအသင်းမှ သိရသည်။ တရုတ်နိုင်ငံ၏ ကျောက်မီးသွေး ထုတ်လုပ်မှုသည် ကိုးနှစ်ဆက်တိုက် တိုးလာသည့်အတွက် ၂၀၂၄ ခုနှစ်မှ ယခုနှစ်တွင် ၁.၅% ခန့် တိုးလာမည်ဟု ခန့်မှန်းထားကြောင်း Bloomberg မှ ကိုးကား၍ ပြီးခဲ့သည့် ရက်သတ္တပတ်တွင် ပြုလုပ်သော သတင်းစာ ရှင်းလင်းပွဲတွင် ပြောကြားခဲ့ပါသည်။ ပြန်လည်ပြည့်ဖြိုးမြဲ ထွန်းကားမှုနှင့် အတူ တရုတ်နိုင်ငံ၏ လျှပ်စစ်ဓာတ်အားထုတ်လုပ်ရေးတွင် မကြာသေးမီနှစ်များအတွင်း ကျောက်မီးသွေး ပါဝင်မှု ကျဆင်းခဲ့သော်လည်း၊ တရုတ်ကျောက်မီးသွေးစွမ်းအင်ထုတ်လုပ်ရေးနှင့် ဝယ်လိုအားမှာ အားကောင်းနေဆဲဖြစ်သည်။ ယခုနှစ်အစောပိုင်းတွင် မိုးရွာသွန်းပြီးနောက် ရေအားလျှပ်စစ်များ မြင့်တက်လာခဲ့သော်လည်း နွေရာသီတွင် နိုင်ငံ၏ စွမ်းအင်ရောနှောမှုတွင် ကျောက်မီးသွေးသည် တရုတ်နိုင်ငံ၏ ဓာတ်အားထုတ်လုပ်မှု၏ ၆၀% ခန့်တွင် ရှိနေသေးသည်။
DOCA(ရန်ကုန်)