၁၄.1.202၅ ရက်နေ့၊ နံနက် (၁၀:၃၀) နာရီအချိန်တွင် စားသုံးသူရေးရာဦးစီးဌာန၊ ရန်ကုန် အရှေ့ပိုင်းခရိုင်ဦးစီးမှူးရုံးမှ ဒေါ်အေးအေးမော်(စစ်ဆေးရေးအရာရှိ) နှင့် ဝန်ထမ်းများ သည် အိမ်အမှတ် (၁၇/၁၉) ၊ လမ်း(၁၀၀) ၊ လွတ်လပ်ရေးရပ်ကွက် ၊ မင်္ဂလာတောင်ညွှန့်မြို့နယ် အတွင်းရှိ စားသောက်ကုန်ပစ္စည်းများ၊ လူသုံးကုန်ပစ္စည်းအမျိုးမျိုး ရောင်းဝယ်ရေး လုပ်ငန်းရှင် နှင့် တွေ့ဆုံ ဆွေးနွေးခဲ့ပါ သည်။
ထိုသို့ ဆွေးနွေးရာတွင် စားသုံးသူများ ဘေးအန္တရာယ်ကင်းရှင်းစေရန် အတွက်Online ဖြင့် ရောင်းချနေသည့် စားသောက်ကုန်ပစ္စည်းများ ၊ လူသုံးကုန်ပစ္စည်းများတွင် ကုန်အညွှန်း အမှတ်အသား ဖော်ပြချက်များဖြစ်သော ကုန်စည်၏ အမျိုးအမည် ၊ အရွယ်အစား ၊ အရေအတွက် နှင့် အသားတင် ပမာဏ ၊ ထားသိုသိမ်းဆည်းမှုအညွှန်း ၊ သုံးစွဲပုံနည်းလမ်း ၊ ကျန်းမာရေးဆိုင်ရာဘေးထွက်ဆိုးကျိုး (သို့) ဓာတ်မတည့်ကြောင်းဖော်ပြချက်နှင့် ကြိုတင် သတိပေးချက်များ ပါဝင်မှု ရှိ/မရှိ တို့ကို စစ်ဆေးခဲ့ပြီး၊ မည်သည့်ကုန်စည်မဆို ကုန်အညွှန်း အမှတ်အသားဖော်ပြရာတွင် မြန်မာဘာသာဖြင့် ဖြစ်စေ၊ မြန်မာဘာသာနှင့်အခြားဘာသာ တစ်ခု (သို့) တစ်ခုထက်ပို၍ တွဲလျက်ဖြစ်စေ ရေးသားဖော်ပြရမှာ ဖြစ်ကြောင်း၊ ကုန်အညွှန်း အမှတ်အသားဖော်ပြထားခြင်းမရှိသည့် ကုန်စည်များကိုစစ်ဆေးတွေ့ရှိပါက စားသုံးသူ ကာကွယ်ရေးဥပဒေအရ အရေးယူခံရမည်ဖြစ်ကြောင်း အသိပေးပြောကြားခဲ့ပါသည်။
DOCA(ရန်ကုန်)