ဂျပန်နိုင်ငံသည် နှစ်နိုင်ငံ၏မော်တော်ကားလုပ်ငန်း ဖွံဖြိုးတိုးတက်ရန် ထိုင်းနိုင်ငံနှင့် ဆက်လက်ပူးပေါင်းဆောင်ရွက်ရန် ကြိုးပမ်းသွားမည်ဟု ဂျပန်ကုန်သွယ်ရေး တာဝန်ရှိသူတစ်ဦးမှ ဇန်နဝါရီလ ၁၅ ရက်နေ့က ပြောကြားခဲ့ပါသည်။ ဂျပန်နိုင်ငံ စီးပွားရေး၊ ကုန်သွယ်ရေးနှင့် စက်မှုဝန်ကြီးဌာနအောက်ရှိ ကုန်သွယ်ရေးမူဝါဒဦးစီးဌာန(METI)၏ ညွှန်ကြားရေးမှူးချုပ်ဖြစ်သူ Tanaka Kazushige က ထိုင်းနိုင်ငံသည် ဂျပန်နိုင်ငံအတွက် ကာလကြာရှည် မော်တော်ယာဉ် အစိတ်အပိုင်းများ ပံ့ပိုးပေးခဲ့သူဖြစ်ကြောင်း၊ နှစ်နိုင်ငံသည် နှစ်ပေါင်း ၆၀ ကျော် စက်မှုလုပ်ငန်း ပူးပေါင်းဆောင်ရွက်မှုတွင် အားကောင်းသောမိတ်ဖက်များဖြစ်ကြောင်းနှင့် ၎င်းတို့သည် ကာဗွန် ထုတ်လွှင့်မှုလျှော့ချခြင်းနှင့် ထိုင်းနိုင်ငံ၏ မော်တော်ကားထုတ်လုပ်တင်ပို့ရာအချက်အချာ နေရာ အား ဆက်လက်ထိန်းသိမ်းရေးနှင့် အားကောင်းစေရေး အစရှိသည့် စိန်ခေါ်မှုများကို ဖြေရှင်းရန် ထိုအခြေခံအုတ်မြစ်ကို ခြေကုပ်ယူရမည်ဟု ပြောကြားခဲ့ပါသည်။ Mr Tanaka က ထိုအကြောင်း ကို ဂျပန်သံရုံးနှင့် METI တို့ ပူးပေါင်းကျင်းပသည့် Public-Private Automotive Business Forum မစတင်မီ သတင်းစာရှင်းလင်းပွဲ၌ ပြောကြားခဲ့ခြင်းဖြစ်ကြောင်း သိရပါသည်။ Mr Tanaka က နှစ်ဖက်စလုံးသည် မော်တော်ကားလုပ်ငန်းတွင် ၎င်းတို့၏ ဆက်နွယ်မှု အားကောင်းရေး အတွက် အတူတကွလုပ်ဆောင်သင့်ကြောင်း၊ အချက်အလက် ထောက်ပံ့မှု ကွင်းဆက်သည် မော်တော်ယာဉ်ထုတ်လုပ်သူများအတွက် အရေးပါသည့်အတွက် ထိုင်းနိုင်ငံသည် မော်တော်ကား တင်ပို့ရာအချက်အချာအဖြစ် ဆက်လက်တည်ရှိလိုပါက ထိုစနစ်ကိုလိုအပ်ကြောင်း နှင့် ထိုစနစ်သည် ထိုင်းနိုင်ငံအား ဈေးကွက်ရွေးချယ်မှုပိုမိုရရှိစေမည်ဖြစ်ပြီး ပြည်တွင်းနှင့် နိုင်ငံ တကာဈေးကွက်နှစ်ခုစလုံးအတွက် မော်တော်ယာဉ်ပေးသွင်းသူများ ပိုမိုထုတ်လုပ်ပေးနိုင်မည်ဟု ပြောကြားခဲ့ပါသည်။ အချက်အလက်သည်တင်ပို့ရန်အတွက် အလွန်အရေးပါသည့်အတွက် ဂျပန်အစိုးရသည် ထိုင်းနိုင်ငံ၏တင်ပို့မှုမြှင်တင်နိုင်ရန်အတွက် အချက်အလက်စုဆောင်းသည့် အတွေ့အကြုံကိုဝေမျှပေးမည်ဟု သိရပါသည်။ နှစ်နိုင်ငံစလုံးသည် မော်တော်ကားနည်းပညာ အတွက် လေ့ကျင်ခြင်းနှင့် အတွေ့အကြုံဝေမျှခြင်းတို့ဖြင့် ချိတ်ဆက်မှုအားကောင်းလျှက် ရှိကြောင်း သိရပါသည်။ ဂျပန်သည် လျှပ်စစ်မော်တော်ယာဉ်များ၊ Plug-in hybrid vehicles နှင့် Hybrid electric vehicles နှင့်ပတ်သတ်၍ ဗဟုသုတသစ်များ ဖလှယ်သွားမည်ဟု သိရှိရပါသည်။
Bangkok Post
DOCA(ရန်ကုန်)