ဂျပန်မော်တော်ကားထုတ်လုပ်သူများသည် ၎င်းတို့၏ကမ္ဘာလုံးဆိုင်ရာ ယှဥ်ပြိုင်နိုင်စွမ်းကို ထိန်းသိမ်းရန်အခြေခံကျသော နည်ပညာဖွံ့ဖြိုးတိုးတက်မှုကို အာရုံစိုက်ကာ လျှပ်စစ်ကားများ (EVs) နှင့်မော်တော်ယာဥ်ဆောဖ့်ဝဲနယ်ပယ်များတွင် ပူးပေါင်းဆောင်ရွက်မှုကို အပြိုင်အဆိုင် မြှင့်တင်နိုင်ရန် အတွက်စီစဥ်ထားကြောင်းသိရသည်။ ဂျပန်နိုင်ငံမော်တော်ယာဉ် ထုတ်လုပ်သူများ အသင်း(JAMA) သည်လာမည့်ဆယ်စုနှစ်အတွင်းစက်မှုလုပ်ငန်းစိန်ခေါ်မှုများကို ဖြေရှင်းပေး မည့် “JAMA Vision 2035” ကိုအလေးပေးဖော်ပြခဲ့သည်။ EV ကဏ္ဍတွင် ဂျပန်ကားထုတ်လုပ်သူ များသည် အားသွင်းချိန်ကို လျှော့ချရန်အတွက် မျိုးဆက်သစ်အားသွင်းနည်းပညာများ တီထွင် ရာတွင်ပူးပေါင်း လုပ်ဆောင်ရန် စီစဥ်ထားသည်။ ၎င်းတို့သည်တပိုင်းလျှပ်ကူးပစ္စည်းများနှင့် ဘတ်ထရီသတ်မှတ်ချက်များကို စံချိန်စံညွှန်းသတ်မှတ်ခြင်းနှင့် ရေရှည်တည်တံ့စေရန်အတွက် ပြန်လည်အသုံးပြုနိုင်သော ဘတ်ထရီ များအား ဒီဇိုင်းထုတ်ခြင်းကိုလည်း လုပ်ဆောင်သွားမည် ဖြစ်သည်။ ဂျပန်နိုင်ငံ၏ မော်တော်ယာဉ်လုပ်ငန်းသည် ရာစုနှစ်တစ်ခုလျှင် တစ်ကြိမ်အသွင် ကူးပြောင်းလျှက်ရှိပြီး စိန်ခေါ်မှုများစွာကိုကုမ္ပဏီ တစ်ခုတည်းမှမကျော်လွှားနိုင်ဘဲ ပူးပေါင်း ဆောင်ရွက်မှုအားတိုးမြင့်ခြင်းသည် ဂျပန်မော်တော်ယာဉ် ထုတ်လုပ်သူများ၏ ယှဉ်ပြိုင်နိုင်စွမ်း ကို အားကောင်းလာစေရန်အတွက်မရှိမဖြစ်လိုအပ်ကြောင်း ဂျပန်နိုင်ငံမော်တော်ယာဉ် ထုတ်လုပ်သူများ အသင်း မှတ်ချက်ပြုချက်အရသိရသည်။
DOCA(ရန်ကုန်)