စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေးဥပဒေ၊ နည်းဥပဒေ၊ အမိန့်နှင့် ညွှန်ကြားချက်များအား စီးပွာရေးလုပ်ငန်းရှင် များအနေဖြင့် သိရှိလိုက်နာဆောင်ရွက်ရန် စားသုံးသူကာကွယ်ရေးအသိပညာပေးလုပ်ငန်းများ ဆောင်ရွက်လျှက်ရှိပါသည်။ ထို့အပြင် မြန်မာဆန်စပါးအွန်လိုင်း(Myanmar Rice Online-MyRO)တွင် ဆန်စပါးသိုလှောင်ရုံများ မှတ်ပုံတင်နိုင်ရေးအတွက်လည်း ဆောင်ရွက်လျှက်ရှိပါသည်။ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနအနေဖြင့် စားသုံးကုန်ပစ္စည်းများအား အရေးကြီးကုန်စည်အဖြစ် သတ်မှတ်သည့်အမိန့်ကို၃၁-၃-၂၀၂၀ ရက်နေ့တွင်အမိန့်ကြော်ငြာစာအမှတ်၂၂/၂၀၂၀ဖြင့်လည်းကောင်း၊ ဆန်စပါးသိုလှောင်ခြင်းကိစ္စရပ်အပေါ် ကြီးကြပ်နိုင်ရန်အလို့ငှာ ဆန်စပါးသိုလှောင်ရုံ မှတ်ပုံတင်ခြင်း ဆိုင်ရာအမိန့်ကို ၂၄-၁၀-၂၀၂၄ ရက်နေ့တွင် အမိန့်ကြော်ငြာစာ အမှတ် ၈၂/၂၀၂၄ ဖြင့်လည်းကောင်း ထုတ်ပြန်ခဲ့ပါသည်။ စားသုံးသူရေးရာဦးစီးဌာန၊ မန္တလေးတိုင်းဒေသကြီးအနေဖြင့် ဒေသတွင်းဆန် စက်နှင့်ဆန်ဆိုင်များ MyRO တွင် မှတ်ပုံတင်နိုင်ရန် ကွင်းဆင်းစစ်ဆေးခြင်းလုပ်ငန်းများ ဆောင်ရွက် လျှက်ရှိပါသည်။ ၂၂-၁-၂၀၂၅ ရက်နေ့တွင် မန္တလေးတိုင်းဒေသကြီးဦးစီးမှူးရုံးမှ ဝန်ထမ်းများသည် မန္တလေးတိုင်းဒေသကြီး၊ ပုသိမ်ကြီးမြို့နယ်နှင့် အမရပူရ မြို့နယ်များရှိ ဆန်စက်နှင့် ဆန်ဆိုင်များအား ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။ ထိုသို့ ကွင်းဆင်းစစ်ဆေးခြင်း လုပ်ငန်း များဆောင်ရွက်ရာတွင် ဆန်စပါးသိုလှောင်ရုံမှတ်ပုံတင်ခြင်းဆိုင်ရာ အမိန့်အရ စီးပွားရေးလုပ်ငန်း ဆောင်ရွက်ရန်အလို့ငှာ ဆန်တန်ချိန်(၂၅)တန်ချိန်နှင့်အထက် သိုလှောင်ရုံ(သို့မဟုတ်) စပါးတင်း (၂၅၀၀)နှင့်အထက် သိုလှောင်ရုံတစ်မျိုးမျိုးကို ပိုင်ဆိုင်သူသည် MyRO တွင် မဖြစ်မနေ မှတ်ပုံတင် လုပ်ငန်းဆောင်ရွက်ရမည်ဖြစ်ကြောင်း ရှင်းလင်းပြောကြားဆွေးနွေးခဲ့ပါသည်။ ထို့အပြင် ပြည်တွင်း စားသုံးဆန်ဈေးနှုန်းများ တည်ငြိမ်မှန်ကန်မှုရှိစေရေးလည်း ပြောကြားဆွေးနွေးခဲ့ပါသည်။
DOCA(မန္တလေး)