မကွေးတိုင်းဒေသကြီး၊ ချောက်ခရိုင်၊ ချောက်မြို့တွင် အခြေခံပညာဦးစီးဌာနနှင့် ဌာနဆိုင်ရာများ ပူးပေါင်း၍ စာဖတ်ရှိန်မြှင့်တင်ရေး အသိပညာပေးဟောပြောပွဲကို (၂၁.၁.၂၀၂၅)ရက်နေ့၊ နံနက် (၁၀:၀၀) နာရီအချိန်တွင် အမှတ်(၁)အခြေခံပညာအထက်တန်းကျောင်းရှိ မြရိပ်ညိုခန်းမ၌ ကျင်းပခဲ့ကြောင်း သိရသည်။
အဆိုပါအသိပညာပေးဟောပြောပွဲတွင် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ဦးစီးအရာရှိက “ဝေဖန်ပိုင်းခြားစဉ်းစားတွေးခေါ်မှုမှသည် မှန်ကန်သည့်ဆုံးဖြတ်ချက်များချ နိုင်ရေး” ခေါင်းစဉ်ဖြင့် ပညာ၏အရေးပါအရာရောက်မှုနှင့် အရည်အချင်းများကို မြင်အောင်ကြည့်ပြီး ဖော်ထုတ် နိုင်ရေး ဆောင်ရွက်ကြရန် ဟောပြောဆွေးနွေးခဲ့ပြီး မြို့နယ်စားသုံးသူရေးရာဦးစီးဌာန၊ မြို့နယ် တာဝန်ခံက “စားအုန်းဆီ၏ ဆိုးကျိုးများ” “Online လိမ်လည်မှုများအကြောင်း” “ကုန်အညွှန်းအမှတ် အသားများပြည့်စုံစွာ ဖော်ပြရေး” အကြောင်းများကိုလည်းကောင်း၊ မြို့နယ်ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာန လက်ထောက်ညွှန်ကြားရေးမှူးက “သဘာဝဘေးအန္တရာယ်ဆိုင်ရာ သိကောင်းစရာ များ” အကြောင်းကိုလည်းကောင်း အသီးသီးဟောပြောခဲ့ကြကြောင်း သိရှိရပါသည်။
DOCA(မကွေး)