မကွေးတိုင်းဒေသကြီး၊ မင်းဘူးခရိုင်၊ ပွင့်ဖြူမြို့၊ မြို့မဈေးတွင် (၂၀.၁.၂၀၂၅)ရက်နေ့၊ နံနက် (၀၈:၀၀)နာရီအချိန်တွင် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ်စားသုံးသူရေးရာဦးစီးဌာန၊ မြို့နယ်ပြန်ကြားရေးနှင့် ပြည်သူ့ဆက်ဆံရေး ဦးစီးဌာနတို့ ပူးပေါင်း၍ ပွင့်ဖြူမြို့( မြို့မဈေး)အတွင်းနှင့်အပြင်တွင် ပလတ်စတစ်အိတ် ထုတ်ပိုးရောင်း ချခြင်းမရှိစေရန်အတွက် စစ်ဆေးခြင်း၊ ပလတ်စတစ်အစားထိုး သုံးစွဲနိုင်သည့် သတင်းစာစက္ကူ၊ အင်ဖက်၊ ငှက်ပျောဖက်တို့ဖြင့် သုံးစွဲစေရေးတို့အား အသိပညာပေးခြင်း ဆောင်ရွက်ခဲ့ကြောင်း သိရသည်။
ဆက်လက်၍ စားသုံးသူရေးရာဦးစီးဌာန၊ ပွင့်ဖြူမြို့နယ်တာဝန်ခံမှ မိတ်ဖက်ဌာနများနှင့် ပူးပေါင်း၍ မြို့မဈေး အတွင်းရှိ ကုန်စုံဆိုင်များအား စားသုံးရန် မသင့်ဟု ထုတ်ပြန်ထားသော ကုန်စည်များ ရောင်းချခြင်း ရှိ/မရှိနှင့် ကုန်အညွှန်းအမှတ်အသားဆိုင်ရာ သတ်မှတ်ချက်များ ပြည့်စုံ မှန်ကန်စွာ ပါဝင်ခြင်း ရှိ/မရှိ တို့အား ဈေးကွက်စောင့်ကြည့် စစ်ဆေးခဲ့ကြောင်း သိရှိရပါသည်။
DOCA(မကွေး)