စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် ဖွံ့ဖြိုးကုန်သွယ် နိုင်ငံကြွယ်ဆိုသည့် ဆောင်ပုဒ်နှင့်အညီ ပြည်တွင်းရှိ MSMEs လုပ်ငန်းများဖွံ့ဖြိုးတိုးတက်ရေးလုပ်ငန်းများကို အစဉ် တစိုက်ကျိုးပမ်းဆောင်ရွက်နေကြောင်းသိရသည်။ စားသုံးသူရေးရာဦးစီးဌာနအနေဖြင့်လည်း စားသုံးသူ အခွင့်အရေးဦးစားပေးဟူသော ဆောင်ပုဒ်ကိုလက်ကိုင်ထား၍ စားသုံးသူအခွင့်အရေးနှင့်အကျိုးစီးပွား ကို ကာကွယ်စောင့်ရှောက်သော စားသုံးသူကာကွယ်ရေးလုပ်ငန်းများအား မြို့နယ်တိုင်းတွင် အရှိန် အဟုန်မြှင့် လုပ်ဆောင်နေကြောင်း သိရသည်။ စစ်ဆေးခြင်းလုပ်ငန်းများကို ကျောင်း ၊ ဈေး ၊ ရပ်ကွက် ကုန်စုံဆိုင် / စတိုးဆိုင်နှင့် စက်ရုံအလုပ်ရုံ ၊ ဆေးပစ္စည်းအရောင်းဆိုင်များနှင့် အခြား ဟူသော လုပ်ငန်းခေါင်းစဉ်များသတ်မှတ်၍ စားသုံးသူရေးရာဦးစီးဌာနမှခန့်အပ်ထားသော စစ်ဆေးရေးမှူး များက စစ်ဆေးကြပ်မက်ဆောင်ရွက်လျက်ရှိကြောင်းသိရသည်။ ထိုသို့စစ်ဆေးခြင်းလုပ်ငန်းများကို မန္တလေးတိုင်းဒေသကြီး၊ မြင်းခြံခရိုင်၊ မြင်းခြံမြို့၌ ၂၃-၁-၂၀၂၅ ရက်နေ့၊ နံနက် ၉ နာရီအချိန်တွင် MSMEs စားသောက်ကုန်လုပ်ငန်းများသို့ ခွဲဝေချထားပေးသော စက်မှုလုပ်ငန်းသုံး စားအုန်းဆီများ အမှန်တကယ်အကျိုးရှိစွာ အသုံးချမှုရှိ / မရှိနှင့်၎င်းလုပ်ငန်းများမှ ထုတ်လုပ်ဖြန့်ဖြူးရောင်းချလျက် ရှိသော ထုတ်ကုန်များ ဈေးကွက်သို့မတင်ပို့မီ အရည်အသွေးကောင်းမွန်သော ထုတ်ကုန်များဖြစ်စေရေး နှင့် စားသုံးသူဘေးကင်းလုံခြုံမှုရှိသော ကုန်စည်များထုတ်လုပ်နိုင်ရေးကိုဦးတည်၍ ခရိုင်စားသုံးသူ ရေးရာဦးစီးဌာနမှ ခရိုင်ဦးစီးမှူးနှင့် စစ်ဆေးရေးမှူးများ သွားရောက်စစ်ဆေးခဲ့ကြောင်းသိရပြီး စစ်ဆေးမှုလုပ်ငန်းစဉ်အား နံနက် ၁၁:၃၀ နာရီတွင်ပြီးစီးခဲ့ကြောင်းသိရသည်။
DOCA(မန္တလေး)