“ကျောက်ဆည်မြို့ရှိအလှကုန်ပစ္စည်းရောင်းချသည့်စီးပွားရေးလုပ်ငန်းရှင်နှင့်တွေ့ဆုံ”

          စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ၊ စားသုံးသူရေးရာဦးစီးဌာန ကျောက်ဆည် ခရိုင်ဦးစီးမှူးရုံး၌ ဇန်နဝါရီလ (၂၄)ရက်နေ့တွင် Beauty Sky Skin Care & Cosmetics အလှကုန် များရောင်းချသည့် စီးပွားရေးလုပ်ငန်းရှင်နှင့်တွေ့ဆုံဆွေးနွေးခဲ့ပါသည်။ထိုသို့တွေ့ဆုံဆွေးနွေးရာတွင် အလှကုန်ရောင်းချသည့် လုပ်ငန်းရှင်များအနေဖြင့် ကုန်ပစ္စည်းများပေါ်၌ ကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉)နှင့်အညီ ကုန်စည်အုပ်စုအလိုက် မြန်မာဘာသာဖြင့် ကုန်အညွှန်းအမှတ်အသား‌ဖော်ပြရ မည့်အသေးစိတ်အချက်အလက်များအား ပြည့်စုံစွာထည့်သွင်းဖော်ပြထားရန်လိုအပ်ကြောင်း ၊ ထုတ်ကုန်လုံခြုံစိတ်ချရမှုရှိပြီး ကုန်အညွှန်းအမှတ်အသားပြည့်စုံသော သက်ဆိုင်ရာဌာနများ၏ ထောက်ခံချက်ပါရှိသော ကုန်စည်များကိုသာရောင်းချရန်လိုကြောင်း ၊ လုပ်ငန်းရှင်များကို စားသုံးသူ ကာကွယ်ရေးဥပဒေပါ စားသုံးသူအခွင့်အရေး(၈)ချက်ရှိကြောင်း ၊ ကုန်အညွှန်းအမှတ်အသားများ ပြည့်စုံစွာဖော်ပြရန်၊ စားသုံးသူကာကွယ်ရေးဥပဒေအရ ပြစ်မှု ၊ ပြစ်ဒဏ်များအကြောင်းကိုလည်း အကျယ်တဝင့်ရှင်းလင်းဆွေးနွေးခဲ့ကြောင်း သတင်းရရှိပါသည်။

DOCA(မန္တလေး)