ကင်ညာနိုင်ငံသည် နိုင်ငံတကာကုန်သွယ်မှု မြှင့်တင်ရန်အတွက် နယ်စပ်ကုန်သွယ်ရေး စခန်းခုနစ်ခုအား ၂၄ ရက်‌နေ့က စတင်လည်ပတ်ရန်ဆောင်ရွက်ခဲ့သည်။ ကင်ညာအခွန်အာဏာပိုင် မှ အကောက်ခွန်နှင့် နယ်စပ်ထိန်းချုပ်ရေး ကော်မရှင်နာ Lilian Nyawanda က ကင်ညာနိုင်ငံ မြို့တော် နိုင်ရိုဘီတွင် အဝင်အထွက် ဂိတ်အသစ်များသည် ယူဂန်ဒါ၊ တန်ဇန်းနီးယားနှင့် အီသီယိုးပီးယားတို့နှင့် နယ်နိမိတ်ချင်းထိစပ်လျှက် တည်ရှိနေကြောင်း သတင်းထောက်များအား ပြောကြားခဲ့သည်။ “နယ်စပ်ကုန်သွယ်ရေးစခန်းအသစ်များသည် ကုန်တင်ကုန်ချရှင်းလင်း ချိန်များကို သိသိသာသာလျှော့ချရန်နှင့် ကုန်သွယ်မှုပမာဏတိုးမြင့်လာစေရန် ဒေသတွင်း ကုန်သွယ်မှု လွယ်ကူ စေရန်အတွက် ခေတ်မီနည်း ပညာများကို အသုံးပြုလိမ့်မည်” ဟု နိုင်ရိုဘီတွင်ကျင်းပသည့် အပြည်ပြည်ဆိုင်ရာအကောက်ခွန်နေ့ ၂၀၂၅ အခမ်းအနားတွင် Nyawanda က ပြောကြားခဲ့သည်။ အသစ်လည်ပတ်နေသော နယ်စပ် ကုန်သွယ်ရေးစခန်းများ တွင် ကင်ညာ-ယူဂန်ဒါနယ်စပ်ရှိ Konyao နှင့် Lomokori/Lokiriama၊ Kenya-Tanzania နယ်စပ်ရှိ Olposimoru နှင့် Illeret/Banya Fort၊ Todonyang၊ Suftu နှင့် Kenya-Ethiopia နယ်စပ်ရှိ Rhamu တို့ ပါဝင်သည်။ရာဇ၀တ်မှု၊ မှောင်ခိုမှု၊ စီးပွားဖြစ် လိမ်လည်မှု၊ အကြမ်းဖက်ဝါဒနှင့် အန္တရာယ်ရှိသော ကုန်ပစ္စည်းများ ခြိမ်းခြောက်မှုမှ ကာကွယ်ရန် အဆိုပါနယ်စပ် ကုန်သွယ်ရေးစခန်းများသည် နိုင်ငံတကာ နယ်စပ်ဖြတ်ကျော် ကုန်စည်များ သွားလာမှုကိုချောမွေ့စေ မည်ဟု မျှော်လင့်ကြောင်း Nyawanda က ဆိုသည်။

Source : Xinhua

DOCA(ရန်ကုန်)