စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မန္တလေး တိုင်းဒေသကြီးဦးစီးမှူးရုံးက စားသုံးသူကာကွယ်ရေးဥပဒေပါ လုပ်ငန်းတာဝန်တစ်ရပ်ဖြစ်သည့် စားသုံးသူကာကွယ်ရေးလုပ်ငန်းနှင့်စပ်လျဉ်းသည့် အသိပညာပေးခြင်းနှင့် သတင်းအချက်အလက်များ ဖြန့်ဝေပေးခြင်းတို့ ဆောင်ရွက်လျက်ရှိပါသည်။
စားသုံးသူကာကွယ်ရေး အသိပညာပေးဟောပြောခြင်းများကို သက်ဆိုင်ရာနယ်ပယ် အသီးသီးအလိုက် ဟောပြောဆောင်ရွက်လျက်ရှိရာ (၅-၂-၂၀၂၅) ရက်နေ့၊ နံနက် (၁၀:၀၀) နာရီ အချိန်တွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ အားကစားနှင့်ကာယပညာဦးစီးဌာန၊ စားသုံးသူရေးရာဦးစီးဌာနတို့ ပူးပေါင်းပါဝင်သောအဖွဲ့သည် ချမ်းမြသာစည်မြို့နယ်၊ ၁၀၇ လမ်း၊ ၆၅(ဘီ)လမ်းရှိ Bravo ကိုယ်ပိုင်အထက်တန်း ကျောင်းတွင် ဆရာ/ဆရာမများနှင့် ကျောင်းသား/ ကျောင်းသူ(၁၀၀)ဦးအား စားသုံးသူကာကွယ်ရေးနှင့်ပတ်သက်သော အသိပညာပေးဟောပြော ခြင်း ဆောင်ရွက်ခဲ့ပါသည်။
ပြန်ကြားရေးနှင့်ပြည့်သူ့ဆက်ဆံရေးဦးစီးဌာန၊ ဦးစီးအရာရှိ ဒေါ်ခင်စိမ်းဝင်းမှ လူငယ် ရေးရာ အသိပညာပေးဟောပြောခြင်း၊ အားကစားနှင့်ကာယပညာဦးစီးဌာန စားသုံးသူရေးရာ ဦးစီးဌာန၊ မြို့နယ်ဦးစီးမှူး ဦးတင်မောင်ဝင်းမှ လူငယ်ရေးရာ အသိပညာပေးဟောပြောခြင်း၊ စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူးရုံး၊ စားသုံးသူရေးရာဌာနခွဲရှိ ဌာနခွဲ တာဝန်ခံ ဦးစီးအရာရှိ ဒေါ်မေသက်ထွန်းမှ စားသုံးသူကာကွယ်ရေးနှင့် ဥပဒေပေါ်ပေါက်လာပုံ၊ စားသုံးသူနှင့် စီးပွားရေး လုပ်ငန်းရှင်တို့၏ အဓိပ္ပါယ်ဖွင့်ဆိုချက်၊ စားသုံးသူ၏ အခွင့်အရေးနှင့် တာဝန်များ၊ ကုန်အညွှန်းအမှတ်အသား ဖော်ပြခြင်းအား ရှင်းလင်းဟောပြောခဲ့ပြီး Consumer Call Center (1535) သို့ ဖုန်းခေါ်ဆို၍ တိုင်ကြားနိုင်ကြောင်းကို လက်တွေ့ခေါ်ဆို သရုပ်ပြခဲ့ပြီး ကျောင်းသူ/ကျောင်းသားများအား လက်ကမ်းစာစောင်များ ဖြန့်ဝေပေးခဲ့ပါသည်။
DOCA(မန္တလေး)