မြင်းခြံခရိုင်သည် ဆည်မြောင်းကန်ချောင်းများ အသင့်အတင့်ရှိပြီး အပူပိုင်းမိုးနည်းရပ်ဝန်းဖြစ်ကာ မြန်မာနိုင်ငံအလယ်ပိုင်းတွင် တည်ရှိသည်။ ဆောင်းငရုတ်ကို စက်တင်ဘာလနှင့် အောက်တိုဘာလ တို့တွင် စတင်စိုက်ပျိုးကာ ဖေဖော်ဝါရီလ၊ မတ်လနှင့် ဧပြီလများတွင် ရိတ်သိမ်းထွက်ပေါ်လေ့ရှိပြီး စိုက်ပျိုးချိန်မှ ရိတ်သိမ်းချိန်အထိ (၄)လခန့်ကြာမြင့်သည်။
မြင်းခြံခရိုင်တွင် ၂၀၂၄-၂၀၂၅ခုနှစ် ဆောင်းငရုတ်စိုနှင့် ငရုတ်ခြောက်စိုက်ဧကပေါင်း (၁၄၇၄) ဧက စိုက်ပျိုးထားရှိပြီး စိုက်ဧကအနေဖြင့် ယခင်နှစ်အတိုင်း ဧကတူစိုက်ပျိုးထားကြောင်း သိရှိရသည်။ ငရုတ်သီးကို မြင်းခြံမြို့နယ်ရှိ တလုပ်မြို့ကျေးရွာ၊ တောပုကျေးရွာ၊ ထနောင်းတိုင်ကျေးရွာ၊ ဒါးကျွန်းကျေးရွာနှင့် တောင်သာမြို့နယ်ရှိ ဝဲလောင်ကျေးရွာတို့တွင် အဓိကအများအပြား စိုက်ပျိုးလျက်ရှိကြောင်းနှင့် မတ်လတွင် ဆောင်းငရုတ်များ ရိတ်သိမ်းမည်ဖြစ်ကြောင်း သိရှိရသည်။
DOCA(မန္တလေး)