ဗီယက်နမ်နိုင်ငံသည် ၂၀၂၅ ခုနှစ် ဇန်နဝါရီလတွင် ကော်ဖီတန်ချိန် ၁၅၄၆၃၅ တန်တင်ပို့ခဲ့ပြီး ဝင်ငွေ အမေရိကန် ဒေါ်လာ ၇၉၉.၅ သန်း ရရှိခဲ့ကြောင်း ဗီယက်နမ်နိုင်ငံ ကော်ဖီနှင့် ကိုကိုးအသင်းကထုတ်ပြန်သော အချက်အလက်များ အရသိရပါသည်။ ထိုစုစုပေါင်း ပမာဏထဲတွင် ကော်ဖီစိမ်းတန်ချိန်မှုမှာ တန်ချိန် ၁၃၇၅၆၈ တန်ရှိပြီး ဝင်ငွေ အမေရိကန်ဒေါ်လာ ၆၉၄.၉ သန်း ရရှိခဲ့ကာ ၂၀၂၄ ခုနှစ် ဇန်နဝါရီလနှင့်နှိုင်းယှဉ်ပါက တင်ပို့သည့်ပမာဏတွင် ၃၈.၂ ရာခိုင်နှုန်းကျဆင်းခဲ့သော်လည်း တန်ဖိုးတွင် ၈.၈ ရာခိုင်နှုန်း မြင့်တက်ခဲ့ကြောင်း သိရပါသည်။ ပြုပြင်ထုတ်လုပ်ထားသည့်ကော်ဖီတင်ပို့မှုမှာ တန်ချိန် ၁၇၀၆၇ ရှိပြီး ဝင်ငွေ အမေရိကန်ဒေါ်လာ ၁၀၄.၆ သန်း ရရှိခဲ့ကြောင်း သိရပါသည်။ ဇန်နဝါရီလတွင် ပြည်ပတိုက်ရိုက်ရင်းနှီးမြှုပ်နှံမှုလုပ်ငန်း များသည် ဗီယက်နမ်၏စုစုပေါင်း ကော်ဖီစိမ်းတင်ပို့မှုပမာဏ၏ ၂၁.၈ ရာခိုင်နှုန်းနှင့် တင်ပို့သည့် တန်ဖိုး၏ ၂၂.၄ ရှိကြောင်း သိရပါသည်။ ၂၀၂၄ ခုနှစ်တွင် ပြည်တွင်းလုပ်ငန်းများသည် ကော်ဖီ တန်ချိန် ၁.၃၅ သန်းတင်ပို့ရာမှတစ်ဆင့် စံချိန်တင်ဝင်ငွေအမေရိကန်ဒေါ်လာ ၅.၆၂ ဘီလီယံ ရရှိ ခဲ့ကြောင်း သိရပါသည်။ စိုက်ပျိုးမွေးမြူရေးနှင့် ကျေးလက်ဒေသဖွံ့ဖြိုး တိုးတက်ရေးဝန်ကြီးဌာန သည် ၂၀၂၅ ခုနှစ်အတွက် ကော်ဖီထုတ်လုပ်ရန် ရည်မှန်းချက်ကို ၂၀၂၄ ခုနှစ်ကထက် အနည်းငယ်မြင့်မားသော တန်ချိန် ၁.၉၈ သန်း သတ်မှတ်ထားကြောင်း သိရပါသည်။
DOCA(ရန်ကုန်)